മോഹൻലാൽ ആരാധകർ ഒന്നടങ്കം കാത്തിരിക്കുന്ന ചിത്രം ദൃശ്യം 2 ന്റെ റിലീസ് ഡേറ്റ് പുറത്ത്. ഫെബ്രുവരി 19ന് ആമസോൺ പ്രൈമിൽ സിനിമ റിലീസ് ചെയ്യും. ട്രെയിലർ ഈ മാസം എട്ടിനാണ് പുറത്തിറങ്ങുക.
ജീത്തു ജോസഫ് എഴുതി സംവിധാനം ചെയ്ത ദൃശ്യം ആദ്യ ഭാഗത്തിലെ താരങ്ങൾ തന്നെയാണ് രണ്ടാം ഭാഗത്തിലും വേഷമിടുന്നത്. കൊറോണ പ്രതിസന്ധിയിൽ നിയന്ത്രണങ്ങൾ പാലിച്ച് ദൃശ്യം അടുത്തിടിയാണ് ചിത്രീകരണം പൂർത്തിയാക്കിയത്. മുരളി ഗോപിയും ഗണേഷ് കുമാറുമാണ് പ്രധാന വേഷത്തിലെത്തുന്ന പുതിയ താരങ്ങൾ.
2013ൽ ദൃശ്യത്തിന്റെ ഒന്നാം ഭാഗം മലയാളത്തിലെ എക്കാലത്തേയും മികച്ച ഹിറ്റുകളിൽ ഒന്നായി മാറിയിരുന്നു. 75 കോടി കളക്ഷനും നേടി. മോഹൻലാലിന്റെ അതുവരെയുള്ള വിജയങ്ങളേയും മലയാളത്തിലെ സകല റെക്കോർഡുകളെയും പിന്തള്ളിയതായിരുന്നു ദൃശ്യത്തിന്റെ അന്നത്തെ നേട്ടം. ആശിർവാദ് സിനിമാസിന്റെ ബാനറിൽ ആന്റണി പെരുമ്പാവൂരാണ് ചിത്രം നിർമ്മിച്ചത്.
