മാഡ്രിഡ്: ലാ ലീഗയിൽ റയൽ മാഡ്രിഡ് തോൽവിയിൽ നിന്നും തലനാരിഴയ്ക്ക് രക്ഷപെട്ടു. റയൽ സോസിഡാഡിനെതിരായ മത്സരത്തിലാണ് റയൽ അവസാന നിമിഷത്തിലെ ഗോളിൽ സമനില പിടിച്ചത്. കളിയുടെ 55-ാം മിനിറ്റിൽ സോസിഡാഡ് റയലിനെ ഞെട്ടിച്ച് ലീഡ് നേടി. സോസിഡാഡിനായി പോർട്ടുവാണ് ഗോൾ നേടിയത്.
ശക്തമായ പ്രതിരോധം തീർത്ത സോസിഡാഡിനെ മറികടക്കാൻ റയൽ നടത്തിയ എല്ലാ ശ്രമങ്ങളും പരാജയപ്പെട്ടു. കളിയുടെ അവസാന നിമിഷം 89-ാം മിനിറ്റിലാണ് റയൽ നിർണ്ണായക ഗോൾ നേടിയത്. വിനിഷ്യസ് ജൂനിയറാണ് സമനില ഗോൾ നേടി റയലിനെ തോൽവിയിൽ നിന്നും രക്ഷിച്ചത്.
ലീഗ് പട്ടികയിൽ റയൽ 25 മത്സരങ്ങളിലായി 53 പോയിന്റുകളോടെ മൂന്നാം സ്ഥാനത്താണ്. 24 മത്സരങ്ങളിലായി 58 പോയിൻ് നേടിയ അത്ലറ്റികോ മാഡ്രിഡും 25 മത്സരങ്ങളിലായി 53 പോയിന്റ് നേടിയ ബാഴ്സലോണയുമാണ് ഒന്നും രണ്ടും സ്ഥാനത്തുള്ളത്.
Comments