ന്യൂഡൽഹി: എസ്.എസ് രാജമൗലി സംവിധാനം ചെയ്യുന്ന ആർആർആർ എന്ന സിനിമയുടെ പുതിയ പോസ്റ്റർ പുറത്തിറക്കി രാം ചരൺ. ട്വിറ്ററിലൂടെയാണ് താരം പോസ്റ്റർ പുറത്തിറക്കിയത്. അല്ലൂരി സീത രാമരാജു എന്ന കഥാപാത്രത്തെയാണ് രാം ചരൺ ഈ സിനിമയിൽ അവതരിപ്പിക്കുന്നത്.
ജന്മദിനത്തിന്റെ തലേദിവസമാണ് സിനിമയിൽ നിന്നുള്ള തന്റെ ചിത്രം താരം പങ്കുവച്ചത്. എൻടി രാമ റാവു ജൂനിയറും, രാം ചരണും പ്രധാന വേഷങ്ങളിൽ അഭിനയിക്കുന്ന ഇന്ത്യൻ തെലുങ്ക് ആക്ഷൻ ചലച്ചിത്രമാണ് ആർആർആർ.
ഇന്ത്യയുടെ സ്വാതന്ത്ര്യസമര സേനാനികളായ അല്ലൂരി സീത രാമരാജു, കൊമാരാം ഭീം എന്നിവർ ബ്രീട്ടിഷ് രാജ്,ഹൈദരാബാദ് നിസാം എന്നിവർക്കെതിരെ പോരാടിയ കഥയാണ് ആർആർആർ. ആലിയ ഭട്ട്, ഒലിവീയ മോറസ്,അജയ് ദേവ്ഗൺ,സമുദ്രകനി,അലീസൺ ഡൂഡി എന്നിവരും ചിത്രത്തിൽ അഭിനയിക്കുന്നു. കുറച്ച് ദിവസങ്ങൾക്ക് മുമ്പ് ആലിയ ഭട്ട് ജന്മദിനത്തിൽ തന്റെ കഥാപാത്രത്തിന്റെ ഫസ്റ്റ് ലുക്ക് പോസ്റ്റ് ചെയ്തിരുന്നു.
സിനിമയിൽ സീത എന്ന കഥാപാത്രമാണ് ആലിയ ഭട്ട് അഭിനയിക്കുന്നത്. 2021 ജനുവരിയിൽ ചിത്രം പ്രദർശനത്തിനെത്തുമെന്ന് കരുതിയെങ്കിലും ലോക്ക്ഡൗണ് കാരണം മാറ്റിവച്ചു. 2021 ഓക്ടോബർ 13ന് ആർആർആർ പ്രദർശനത്തിനെത്തും.
https://www.facebook.com/AlwaysRamCharan/posts/303289027826694
