തുല്യ ശക്തികളായ രണ്ടുപേര് തമ്മില് കൊമ്പു കോര്ക്കുമ്പോള് എന്താകും സ്ഥിതി. നേര്ക്കുനേര് കണ്ടാല് ഒരാള് മറ്റൊരാളെ ബാക്കി വയ്ക്കില്ല അതാണ് അവസ്ഥ. ഗോഡ്സില്ല v/s കോങ്ങ് എന്ന ഹോളിവുഡ് സിനിമയിലൂടെ നമുക്ക് മുന്നിലെത്തുന്നത് രണ്ട് പ്രബല ശക്തികളുടെ പോരാട്ടമാണ്. രണ്ടുപേരില് ഒരാള് അടിയറവു പറഞ്ഞാല് മാത്രമേ മറ്റേയാള്ക്ക് വിജയം ഉണ്ടാകൂ. അല്ലാത്തപക്ഷം രണ്ടുപേരും ഇഞ്ചോടിഞ്ച് മത്സരിച്ച് പോരാടി കൊണ്ടിരിക്കും. അയണ്മാന്, ബാറ്റ്സ്മാന്, ക്യാപ്റ്റന് അമേരിക്ക തുടങ്ങി നിരവധി മോണ്സ്റ്റേര്സ് ആരാധകരുടെ മനസ്സില് സ്ഥാനം പിടിച്ചിട്ടുണ്ട്. അത്തരത്തിലുളള രണ്ട് വമ്പന്മാരാണ് ഗോഡ്സില്ലയും കിങ് കോങ്ങും.
രണ്ടുപേരുടെയും ആരാധകര്ക്ക് ഒരു പോലെതന്നെ ആസ്വദിക്കാവുന്ന ഒരു സിനിമയാണിത്. തമ്മില് കണ്ടാല് ഒരാളുടെ മരണം ഉറപ്പാണ്. അതുകൊണ്ടു തന്നെ ഗോഡ്സില്ലയില് നിന്നും കിങ് കോങ്ങിനെ സുരക്ഷക്കായി ഡോ. ഐലിന് ആന്ഡ്രൂസിന്റെ നേതൃത്വത്തിലുള്ള മനുഷ്യനിര്മ്മിത സ്കള് ഐലന്ഡില് പാര്പ്പിച്ചിരിക്കുകയാണ്. ഡോ. ഐലിന് തന്നെയാണ് ആണ് ഈ ദൗത്യം ഏറ്റെടുത്തിരിക്കുന്നത്. കാരണം അത്രത്തോളം ഭീകരനാണ് ഗോഡ്സില്ല. അതിനിടെ അപെക് എന്ന ടെക് ഭീമന് കമ്പനിയുടെ ലാബുകളും ഓഫീസുകളും എല്ലാം ഗോഡ്സില്ല തകര്ക്കുന്നു.
ഈ ആക്രമണത്തില് നിരവധി ആളുകള്ക്ക് പരിക്ക് സംഭവിക്കുന്നു. ഗോഡ്സില്ലയെ എങ്ങനെയും തകര്ക്കുന്നതിനായി ഡോ. ഐലിന്റെ സഹായത്തോടെ കിങ് കോങ്ങിനെ പുറത്തു കൊണ്ടു വരുന്നു. പിന്നീട് ഈ എതിരാളികള് തമ്മിലുള്ള പോരാട്ടമാണ്. ഇതാണ് സിനിമയുടെ ഇതിവൃത്തം. ആദം വിങാര്ട്ടിലാണ് സിനിമയുടെ സംവിധാനം. ഹോള് കെന്ബെര്ഗാണ് പശ്ചാത്തല സംഗീതവും ജോഷിന് എഡിറ്റിംഗും നിര്വ്വഹിച്ചിരിക്കുന്നത്. സിജിഐ സ്പെഷ്യല് എഫക്ട് ആണ് സിനിമയുടെ ഏറ്റവും വലിയ പ്രത്യേകത. അതുകൊണ്ടു തന്നെ ചിത്രം തിയറ്ററുകളില് നിന്നു തന്നെ കാണാം, കാണണം. എന്നാല് മാത്രമേ അവര് ഒരുക്കിയ ദൃശ്യവിരുന്ന് എത്രത്തോളം ഉണ്ടെന്ന് നമുക്ക് മനസ്സിലാവുകയുള്ളൂ.
