മുംബൈ: ഇന്ത്യയിൽ മയക്കുമരുന്ന് കടത്തിയതുമായി ബന്ധപ്പെട്ട് രണ്ട് നൈജീ രിയൻ പൗരന്മാർ പിടിയിൽ. മുംബൈയിലെ നാർക്കോട്ടിക് ബ്യൂറോയാണ് നൈജീരിയൻ പൗരന്മാരെ പിടികൂടിയത്. ഇവരിൽ നിന്ന് ഒന്നരക്കോടിയുടെ മയക്കുമരുന്ന് കണ്ടെത്തി. നവീ മുംബൈയിലെ ജോഗേശ്വരി മേഖലയിൽ നിന്നാണ് നൈജീയക്കാരെ പിടികൂടിയത്.
മുംബൈ സിനിമ ലോകവുമായി ബന്ധമുള്ള അജാസ് ഖാനെ പിടികൂടിയതിലൂ ടെയാണ് നൈജീരിയൻ പൗരന്മാരെക്കുറിച്ചുള്ള വിവരം ലഭിച്ചത്. ബതാതാ ഗ്യാംഗ് മയക്കുമരുന്ന് റാക്കറ്റുമായി ബന്ധപ്പെട്ടാണ് അജാസ് ഖാൻ പ്രവർത്തിച്ചിരുന്നത്. അജാസ് ഖാന്റെ വീട്ടിൽ നിന്നും പോലീസ് മയക്കുമരുന്ന് കണ്ടെത്തിയിരുന്നു. അജാസിന് പുറമേ നാസിർ സമീറുദ്ദീനേയും ഇതുവരെ 7 വിദേശികളേയും പിടികൂടിക്കഴിഞ്ഞു.
