ഉച്ചാരണം പലവിധത്തിലാണ് അതുകൊണ്ടു തന്നെ ചില വാക്കുകള്‍ ഉച്ചരിക്കാന്‍ തന്നെ വളരെ പ്രയാസമാണ്. അതുപോലെ തന്നെയാണ് ചില പേരുകളും. അത് സ്വന്തം ഭര്‍ത്താവിന്റെ പേര് ആണെങ്കില്‍ കൂടി വിളിക്കാന്‍ ബുദ്ധിമുട്ടായിരിക്കും. പ്രത്യേകിച്ചും അന്യഭാഷക്കാര്‍ ആണെങ്കില്‍ ഉച്ചാരണം വളരെ പ്രയാസമായിരിക്കും. അത്തരത്തില്‍ കഴിഞ്ഞ മൂന്നു വര്‍ഷങ്ങളായി സ്വന്തം ഭര്‍ത്താവിന്റെ പേര് ശരിയായി ഉച്ചരിക്കാന്‍ അറിയാത്ത ഒരു യുവതിയുടെ വീഡിയോ ആണ് ഇപ്പോള്‍ സോഷ്യല്‍ മീഡിയയില്‍ വൈറലായി കൊണ്ടിരിക്കുന്നത്. സ്വന്തം ഭര്‍ത്താവിന്റെ പേര് പറയാന്‍ അറിയാത്തതിനാല്‍ വര്‍ഷങ്ങളായി അദ്ദേഹത്തെ ബേബി എന്നാണ് ഈ യുവതി വിളിക്കുന്നത്.
തന്റെ ഭര്‍ത്താവിന്റെ പേര് എങ്ങനെ ഉച്ചരിക്കണം എന്ന് അറിയാത്തതാണ് ഇതിനുള്ള പ്രധാന കാരണമായി അവര്‍ പറയുന്നത്. വിവാഹം കഴിഞ്ഞ് വര്‍ഷങ്ങള്‍ പിന്നിട്ടിട്ടും ഭര്‍ത്താവിന്റെ സ്വീഡിഷ് ഭാഷയിലുള്ള പേര് ഉച്ചരിക്കാന്‍ കഴിയാത്തതിലുള്ള വിഷമം ടിക് ടോക്കിലൂടെയാണ് യുവതി പുറത്തു വിട്ടിരിക്കുന്നത്. വീഡിയോയിലൂടെ തന്റെ ഭര്‍ത്താവിനെ ‘ബേബി’ എന്നാണ് താന്‍ വിളിക്കുന്നത് എന്നും യുവതി പറയുന്നു. ഭര്‍ത്താവിന്റെ പേരിന്റെ ഉച്ചാരണം വീഡിയോയിലൂടെ പരീക്ഷിച്ചു നോക്കുന്നുണ്ട്, കൂടാതെ ragnar…ragna…ragnar.. എങ്ങനെയാണ് ഈ പേര് ഉച്ചരിക്കേണ്ടത് എന്ന് ടിക് ടോക്കിലെ ഫോളോവേഴ്സിനോട് യുവതി ചോദിക്കുന്നുമുണ്ട്.
യുവതി ഈ വീഡിയോ പങ്കുവെച്ചതിനു പിന്നാലെ പതിമൂന്ന് ദശലക്ഷത്തില്‍ അധികം പേരാണ് ഈ വീഡിയോ കണ്ടത്. മാത്രമല്ല, ഇത്തരത്തില്‍ വളരെ പ്രയാസമുള്ള പേരുകള്‍ ചില ഉപയോക്താക്കള്‍ വീഡിയോയ്ക്ക് താഴെ പങ്കിടുകയും ചെയ്തു. കൂടാതെ ചിലര്‍ ഭര്‍ത്താവിനൊപ്പം വീഡിയോ പങ്കിടാനും ആവശ്യപ്പെട്ടു. വ്യത്യസ്തമായ നിരവധി അഭിപ്രായങ്ങളാണ് വീഡിയോയ്ക്ക് താഴെ വന്നത്. തന്റെ ഭര്‍ത്താവിന്റെ പേര് പറയാന്‍ അറിയാത്ത ഈ യുവതിയുടെ വീഡിയോ സോഷ്യല്‍ മീഡിയയില്‍ വളരെ പെട്ടന്നാണ് വൈറലായി മാറിയത്.
Comments