ഭക്ഷ്യയോഗ്യവും അതോടൊപ്പം തന്നെ ആരോഗ്യകരവുമായ നിരവധി ഗുണങ്ങള് അടങ്ങിയ ഒന്നാണ് ഹിമാലയന് താഴ്വരകളില് മാത്രം വളരുന്ന രോഗപ്രതിരോധ ശേഷി ഏറ്റവും ഉയര്ന്ന പഴവര്ഗമായ സീബക്തോണ്. കുറ്റിച്ചെടിയായാണ് ഇതു കാണപ്പെടുന്നത്. ഓറഞ്ച് മഞ്ഞ നിറത്തിലാണ് ഇതിന്റെ പഴങ്ങള് ഉളളത്. അവ കാണാന് തന്നെ നല്ല ഭംഗിയുളളവയാണ്. ഇന്ത്യയിലെ ഹിമാലയന് താഴ്വരയിലാണ് ഈ പഴം പ്രധാനമായും കണ്ടു വരുന്നത്. ലഡാക്, സ്പ്റ്റി പോലുള്ള വരണ്ട പ്രദേശങ്ങളിലാണ് സീബക്തോണ് കൂടുതലായും വളരുന്നത്. ചര്മ്മ എന്ന പേരിലാണ് ഹിമാചല്പ്രദേശില് ഈ പഴം അറിയപ്പെടുന്നത്.
ഹിമാചല്പ്രദേശ്, ലഡാക്ക്, ഉത്തരാഖണ്ഡ്, അരുണാചല്പ്രദേശ്, സിക്കിം എന്നിവിടങ്ങളിലായി ആയിരത്തി അഞ്ഞൂറ് ഹെക്ടര് സ്ഥലത്തായി ഈ ചെടി കാണപ്പെടുന്നു. ഔഷധ ഗുണങ്ങള് ഏറെയുള്ള ഒന്നാണ് സീബക്തോണ് പഴം. ആമാശയ രോഗങ്ങള്ക്കും ദഹന പ്രശ്നങ്ങള്ക്കും ഉത്തമ പരിഹാരമാണ് സീബക്തോണ്. ഹൃദയം സംബന്ധമായ പ്രശ്നങ്ങള്ക്കും ഇവ പരിഹാരമാണ്, കൂടാതെ ചര്മ്മ സംബന്ധമായ പ്രശ്നങ്ങള്ക്കും ഏറെ ഗുണപ്രദമാണ് സീബക്തോണ്.
ഇതിന്റെ ഇലകളില് ധാരാളം വിറ്റാമിന്, ആന്റിയോക്സിഡന്റ്സ്, ഫാറ്റി ആസിഡ് എന്നിവ അടങ്ങിയിട്ടുണ്ട്. ഇത് മുടിയുടെയും നഖത്തിന്റേയും വളര്ച്ചയ്ക്ക് ഏറെ സഹായിക്കുന്നു. ഒപ്പം കണ്ണുകള്ക്കും നലതാണ് ഈ പഴം. കൂടാതെ രോഗപ്രതിരോധ ശേഷി വര്ദ്ധിപ്പിക്കുന്നതിനും ഉത്തമ ഔഷധമാണ് ഈ പഴം. സീബക്തോണ് ഉപയോഗിച്ച് ജ്യൂസ്, ജാം, പോഷക ഗുളികകള് തുടങ്ങിയവ ഉണ്ടാകുന്നു. വലിയ വാണിജ്യ മൂല്യമുള്ള ഒരു ചെടി കൂടിയാണ് സീബക്തോണ്. ആരോഗ്യത്തെ പ്രതികൂലമായി ബാധിക്കുന്ന തരത്തിലുളള നിരവധി പാനീയങ്ങള് ഇന്ന് വിപണിയില് വിറ്റഴിക്കുന്നുണ്ട്. എന്നാല് അവയെക്കാള് ഏറെ ആരോഗ്യകരമാണ് സീബക്തോണ് ജ്യൂസ്.
