ചൂടുകാലത്ത് കുടിക്കാന് ഏറ്റവും നല്ലതാണ് തണുത്ത നാരങ്ങാവെള്ളം. വീട്ടിലെത്തുന്ന വിരുന്നുകാര്ക്ക് നല്കാവുന്ന ഉത്തമ പാനീയം. എന്നാല് സാധാരണയില് നിന്നും വ്യത്യസ്തമായി ചുവപ്പുനിറത്തില് ആകര്ഷകമായ നാരങ്ങാവെള്ളം കാണുമ്പോള് ആര്ക്കും ഒന്നു കുടിച്ചു നോക്കാന് തോന്നും. ചുവപ്പു നിറത്തിലുള്ള ഈ നാരങ്ങ വെള്ളം എങ്ങനെ തയ്യാറാക്കാം എന്ന് നോക്കാം. ഇതിനായി ആദ്യം രണ്ട് നാരങ്ങയുടെ നീര് കുരുകളഞ്ഞ് പിഴിഞ്ഞെടുക്കുക. പിന്നീട് മിക്സിയുടെ ജാറിലേക്ക് ഒരു കപ്പ് പഞ്ചസാരയും പിഴിഞ്ഞു വച്ചിരിക്കുന്ന നാരങ്ങാനീരും ഒരു കഷണം ഇഞ്ചിയും കുറച്ച് ഏലയ്ക്കയും ഒരു ഗ്ലാസ് വെള്ളവും ചേര്ത്ത് നന്നായി അടിച്ചെടുക്കുക.
ശേഷം ഇവ അരിപ്പയില് അരിച്ചെടുക്കുക പിന്നീട് ഇതിലേക്ക് രണ്ട് ഗ്ലാസ് വെള്ളം കൂടി ചേര്ത്ത് നേര്പ്പിക്കുക. ശേഷം ഗ്ലാസില് ഐസ്ക്യൂബ് ഇട്ട ശേഷം അതിലേക്ക് ഒഴിച്ച് തയ്യാറാക്കി വെച്ചിരിക്കുന്ന നാരങ്ങാവെളളം ഒഴിച്ചു കൊടുക്കുക. ശേഷം ഇതിലേക്ക് ചുവപ്പ നിറത്തിലുള്ള ലായിനി ഒഴിച്ച് നന്നായി ഇളക്കി കൊടുക്കുക. അപ്പോള് നല്ല ചുവപ്പ് നിറത്തിലുള്ള നാരങ്ങാവെള്ളം റെഡിയാകും. ഇനി ഈ നാരങ്ങാവെള്ളം തയ്യാറാക്കാന് ആവശ്യമായ ചുവപ്പു ലായനി എങ്ങനെ തയ്യാറാക്കി എന്ന് നോക്കാം.
ഇതിനായി നല്ല ചെമ്പരത്തിപ്പൂവ് എടുത്ത് നന്നായി കഴുകി വെള്ളത്തിലിട്ട് തിളപ്പിച്ച് എടുക്കുക. പൂവ് നന്നായി തിളച്ചു വരുമ്പോള് ചെമ്പരത്തിപ്പൂവിന്റെ നിറമെല്ലാം വെള്ളത്തിലേക്ക് ആഴ്ന്നിറങ്ങും. ശേഷം ഇത് നന്നായി അരിച്ചെടുക്കുക. അപ്പോള് നല്ല ചുവന്ന ലായിനി ലഭിക്കും. ഇത് വെളളത്തിലേയ്ക്ക് ഒഴിച്ചു കൊടുക്കുമ്പോള് വെള്ളത്തിന് നല്ല ചുവപ്പുനിറം ലഭിക്കുന്നു. സ്വാദിന്റെ കാര്യത്തില് മാത്രമല്ല കാഴ്ചയിലും വ്യത്യസ്തമാണ് ഈ ചുവന്ന നാരങ്ങവള്ളം.
Comments