മാഡ്രിഡ്: സ്പാനിഷ് ലീഗിലെ വമ്പന്മാർക്ക് ജയം മാഡ്രിഡിലെ രണ്ടു പ്രമുഖ ക്ലബ്ബുകളായ റയലും അത്ലറ്റികോയുമാണ് ജയം നേടിയത്. റയൽ മാഡ്രിഡ് കാഡിനിനേയും അത്ലറ്റികോ ഹസ്കയേയുമാണ് തോൽപ്പിച്ചത്.
ആദ്യ മത്സരത്തിൽ റയൽ എതിരില്ലാത്ത മൂന്ന് ഗോളിനാണ് കാഡിസിനെ തകർത്തത്. കരീം ബെൻസേമയുടെ ഇരട്ട ഗോളുകളാണ് റയലിന് മികച്ച ജയം സമ്മാനിച്ചത്. 30-ാം മിനിറ്റിലെ പെനാൽറ്റിയാണ് ബെൻസേമ ഗോളിലെത്തിച്ചത്. 33-ാം മിനിറ്റിൽ അൽവാരോ ടീമിനായി രണ്ടാം ഗോളും നേടി. 40-ാം മിനിറ്റിൽ തന്റെ രണ്ടാം ഗോളിലൂടെ ബെൻസേമ വിജയം ആധികാരി കമാക്കി.
രണ്ടാം മത്സരത്തിൽ അത്ലറ്റികോ മാഡ്രിഡ് എതിരില്ലാത്ത രണ്ടുഗോളുകൾക്കാണ് ഹസ്കയെ തോൽപ്പിച്ചത്. 39-ാം മിനിറ്റിൽ ഏയ്ഞ്ചെൽ കൊറയയാണ് അത്ലറ്റികോയുടെ ആദ്യ ഗോൾ നേടിയത്. 80-ാം മിനിറ്റിൽ യാന്നിക് കരാസ്കോ രണ്ടാം ഗോളും സ്വന്തമാക്കി. 32 മത്സരങ്ങൾ പൂർത്തിയാക്കിയപ്പോൾ അത്ലറ്റികോ 73 പോയിന്റുകളുമായി ഒന്നാം സ്ഥാനത്താണ്. 70 പോയിന്റോടെ റയലാണ് രണ്ടാമതുള്ളത്. 31 മത്സരങ്ങളിലായി 68 പോയിന്റുള്ള ബാഴ്സലോണയാണ് മൂന്നാമതുള്ളത്.
Comments