ലോകം ചുറ്റാന് ആഗ്രഹം ഇല്ലാത്തവര് ആരാണുള്ളത്. മിക്ക ആളുകളും യാത്ര ചെയ്യാന് ഇഷ്ടപ്പെടുന്നവരാണ്. ലോകത്തിന്റെ വിവിധ കോണുകളിലേക്ക് യാത്ര ചെയ്യാനും സ്ഥലങ്ങള് സന്ദര്ശിക്കാനും ഇഷ്ടമുള്ളവര്. അത്തരത്തിലുളള യാത്ര വിവരണങ്ങളും അവിടെ നിന്നും അവര് പങ്കുവെച്ച ചിത്രങ്ങളുമെല്ലാം സോഷ്യല് മീഡിയയില് വളരെ വൈറല് ആയിട്ടുണ്ട്. എന്നാല് ഇപ്പോള് സോഷ്യല് മീഡിയയില് വൈറലായി കൊണ്ടിരിക്കുന്നത് ഒരു യാത്ര പ്രേമി സന്ദര്ശിച്ച രാജ്യങ്ങളുടെ പേരും അവിടെ നിന്നും പകര്ത്തിയ ചിത്രങ്ങളമാണ്.
എന്നാല് ഇതൊരു മനുഷ്യനല്ല ഫെലിക്സ് എന്ന നായയാണ് . മുപ്പത്തിരണ്ട് രാജ്യങ്ങളാണ് ഫെലിക്സ് സന്ദര്ശിച്ചത്.ഇതുവരെ ഫെലിക്സ് സന്ദര്ശിച്ച രാജ്യങ്ങളുടെ പേരും അവിടെ നിന്നും പകര്ത്തിയ ചിത്രങ്ങളും സോഷ്യല് ഇടങ്ങളില് ഏറെ ശ്രദ്ധേയമാകുന്നത്. ജര്മ്മനിയിലെ ജൂലിയ- സ്വെന് ദമ്പതികള്ക്കൊപ്പമാണ് ഫെലിക്സ് യാത്ര ചെയ്യുന്നത്. ജൂലിയയും സ്വെനും യാത്രാ പ്രേമികളാണ്. ഇതുവരെ ലോകത്തിന്റെ വിവിധ ഇടങ്ങള് ഇവര് സന്ദര്ശിച്ചു കഴിഞ്ഞു.
ഇരുവര്ക്കുമൊപ്പം പോളണ്ടിലേക്കാണ് ഫെലിക്സ് ആദ്യം യാത്ര ചെയ്തത്. പിന്നീടുള്ള ഇവരുടെ യാത്രയില് സന്തത സഹചാരിയായി ഫെലിക്സ് കൂടുകയായിരുന്നു. സോഷ്യല് ഇടങ്ങളില് നിരവധി ആരാധകരെ നേടിയെടുത്തതാണ് ഫെലിക്സ്. ഇന്സ്റ്റാഗ്രാമില് അമ്പതിനായിരത്തിലധികം ഫോളോവേഴ്സാണ് ഫെലിക്സിനുള്ളത്. ഇറ്റലി, പോര്ച്ചുഗല്, ഫ്രാന്സ്, ഗ്രീസ്, ഹംഗറി, ബെല്ജിയം, നെതര്ലാന്ഡ്, ഫിന്ലാന്ഡ്, സ്പെയിന്, യു.കെ., ഓസ്ട്രിയ, പോളണ്ട്, റൊമാനിയ, സ്വിറ്റ്സര്ലാന്ഡ് തുടങ്ങി നിരവധി രാജ്യങ്ങള് ഇതിനോടകം ഫെലിക്സ് സന്ദര്ശിച്ചു കഴിഞ്ഞു.
Comments