കൊല്ക്കത്ത: തൃണമൂല് പ്രവര്ത്തകര് പശ്ചിമ ബംഗാളില് അഴിച്ചുവിട്ടിരിക്കുന്ന കലാപത്തിനെതിരെ പ്രസ്താവന നടത്തിയതിന് നടി കങ്കണ റണാവത്തിനെതിരെ പോലീസിനെ ഉപയോഗിച്ചുള്ള പ്രതികാര നടപടിക്കൊരുങ്ങി തൃണമൂല്. ഹിന്ദുക്കളോട് വര്ഗീയ കലാപം നടത്താന് നടി പ്രേരിപ്പിച്ചെന്ന പേരിലാണ് രാഷ്ട്രീയ വൈര്യം തീര്ക്കാനിറങ്ങിയിരിക്കുന്നത്. ട്വിറ്ററിലൂടെ കങ്കണ നടത്തിയ പരാമര്ശങ്ങളും മമതാ ബാനര്ജിക്ക് നേരെ നടത്തിയ പ്രസ്താവനയും തൃണമൂല് നേതാവ് റിജു ദത്ത ആയുധമാക്കുകയാണ്. റിജു ദത്ത നല്കിയ പരാതിയില് കൊല്ക്കത്ത പോലീസാണ് കേസെടുത്തത്. കങ്കണക്കെതിരെ 153 എ,504, 505 ഐ.പി.സി, 43, 66 ഐ.ടി വകുപ്പ് എന്നിവ പ്രകാരമാണ് കൊല്ക്കത്ത പോലീസ് കേസെടുത്തിട്ടുള്ളത്.
സമൂഹമാദ്ധ്യമത്തിലൂടെ കങ്കണ റണാവത് വിദ്വേഷ പ്രസ്താവന നടത്തിയെന്നാണ് തൃണമൂല് പ്രചാരണം അഴിച്ചുവിട്ടിരിക്കുന്നത്. എന്നാല് തൃണമൂല് പ്രവര്ത്തകര് ബി.ജെ.പിയുടെ സ്ത്രീകളടക്കമുള്ളവരെ കൊലപ്പെടുത്തിയതിനെതിരെ അതിശക്തമായ പ്രതികരണമാണ് കങ്കണ നടത്തിയത്. എന്നാല് ബോളിവുഡിലെ സൂപ്പര്താരത്തിന്റെ വാക്കുകള് പശ്ചിമബംഗാളിലെ സമാധാന അന്തരീക്ഷം തകര്ക്കാനും വര്ഗ്ഗീയ കലാപത്തിനുമാണ് സഹായമായതെന്ന ആരോപണവുമായിട്ടാണ് തൃണമൂല് പ്രവര്ത്തകര് രംഗത്തുള്ളത്.
നടി തന്റെ സമൂഹമാദ്ധ്യമത്തിലൂടെ പ്രകോപനപരമായ ചിത്രങ്ങളാണ് പ്രചരിപ്പിച്ചത്. ഭരണകൂടം അക്രമത്തെ അടിച്ചമര്ത്താന് എല്ലാ പരിശ്രമങ്ങളും നടത്തുകയാണ്. ഇതിനിടെ പ്രശസ്തയായ ഒരു വ്യക്തി നടത്തുന്ന വിദ്വേഷ പ്രചാരണം രാജ്യത്തെ നിയമവാഴ്ച തകര്ക്കുമെന്നും താരത്തിനെതിരെ ശക്തമായ നടപടി വേണമെന്നും പാരാതിയില് പറയുന്നു.
ഒരു അഭിഭാഷകന് മുഖേന ഈ മാസം മൂന്നാം തീയതിയാണ് പരാതി നല്കിയത്. അതില് കങ്കണയുടെ മൂന്ന് ട്വീറ്റുകളും പരാമര്ശിച്ചിട്ടുണ്ട്. ഇതില് മുഖ്യമന്ത്രി മമതാ ബാനര്ജിക്കെതിരെ അപകീര്ത്തിപരമായ പരാമര്ശങ്ങളുമുണ്ടെന്നും പരാതിക്കാര് ചൂണ്ടിക്കാട്ടുന്നു.
