കുറഞ്ഞ സമയം കൊണ്ട് മലയാളികളുടെ ഇടയില്‍ വൈറലായി മാറിയ ഒരു സോഷ്യല്‍ മീഡിയ ആപ്ലിക്കേഷനാണ് ക്ലബ്ബ് ഹൗസ്. ആന്‍ഡ്രോയ്ഡ് ഡിവൈസുകളിലേക്ക് കൂടി ആപ്ലിക്കേഷന്‍ എത്തിയതോടുകൂടിയാണ് കേരളത്തില്‍ ക്ലബ്ബ് ഹൗസ് തരംഗമായി മാറിയത്. മലയാളികളുടെ വന്‍തിരക്കാണ് ക്ലബ് ഹൗസില്‍. ഇപ്പോള്‍ ക്ലബ് ഹൗസിലെ ഫേക്ക് അക്കൗണ്ടിനെതിരെ പ്രതികരിച്ചിരിക്കുകയാണ് മലയാളികളുടെ പ്രിയ താരം സുരേഷ് ഗോപി. ഫേക്ക് അക്കൗണ്ടിനെതിരെ വളരെ രോക്ഷാകുലനായാണ് അദ്ദേഹം പ്രതികരിച്ചത്.
‘ ഇത് തികച്ചും അലോസരപ്പെടുത്തുന്നതാണ്. ഒരു വ്യക്തിയെ സോഷ്യല്‍ പ്ലാറ്റ്‌ഫോമില്‍ ആള്‍മാറാട്ടം നടത്തുന്നു, അയാളുടെ ശബ്ദം ഉപയോഗിച്ച് മറ്റുള്ളവരെ പറ്റിക്കുന്നു. ഞാന്‍ ക്ലബ് ഹൗസില്‍ ഒരു അക്കൗണ്ടും തുടങ്ങിയിട്ടില്ലെന്ന് ദയവായി മനസ്സിലാക്കൂ. ഇനി ഇത്തരത്തിലുള്ള പ്രവര്‍ത്തികളെ വളരെ ഗൗരവമായി നേരിടും’,
എന്ന കുറിപ്പോടെ ഫേക്ക് അക്കൗണ്ടുകളുടെ സ്‌ക്രീന്‍ഷോട്ട് പങ്കുവെച്ചാണ് സുരേഷ് ഗോപി പ്രതികരിച്ചത്.കഴിഞ്ഞ ദിവസം യുവതാരം നിവിന്‍ പോളിയും തന്റെ ഫേക്ക് പ്രൊഫൈലുകള്‍ തുറന്നുകാട്ടി. ക്ലബ് ഹൗസില്‍ തനിക്ക് അക്കൗണ്ട് ഇല്ലെന്ന വിവരവും ആരാധകരെ അറിയിച്ചിരുന്നു. നിരവധി താരങ്ങളാണ് ക്ലബ് ഹൗസിലെ ഫേക്ക് അക്കൗണ്ടുകള്‍ക്കെതിരെ രംഗത്തെത്തിയത്.
Comments