കൊച്ചി: കൊറോണ കാലത്ത് സിനിമാ വ്യവസായത്തോടുള്ള സംസ്ഥാന സർക്കാർ സമീപനം മാറ്റണമെന്ന ആവശ്യവുമായി ഫെഫ്ക. സിനിമ ഷൂട്ടിംഗ് പുനരാരംഭിക്കാൻ അനുമതി വേണമെന്നും ഇക്കാര്യത്തിൽ മുഖ്യമന്ത്രി അടിയന്തിരമായി ഇടപെടണമെന്നും ഫെഫ്ക ആവശ്യപ്പെടുന്നു.
ഇതരസംസ്ഥാനങ്ങളിൽ സിനിമാമേഖല സജീവമാണ്. പൃഥ്വിരാജ് സംവിധാനം ചെയ്യുന്ന, മോഹൻലാൽ ചിത്രം ഉൾപ്പെടെ ഏഴ് സിനിമകൾ തെലങ്കാനയിലേക്കും തമിഴ്നാട്ടിലേക്കും ചിത്രീകരണം മാറ്റി. ഇക്കാരണത്താൽ അടിസ്ഥാന സാങ്കേതിക പ്രവർത്തർക്ക് ഉൾപ്പെടെ തൊഴിൽ നഷ്ടപ്പെട്ടു.
സീരിയൽ മേഖലയോടുള്ള അനുകൂല സമീപനം സിനിമയ്ക്ക് നിഷേധിക്കപ്പെടുന്നതിന്റെ പൊരുൾ മനസിലാവുന്നില്ലെന്നും ഫെഫ്ക ഭാരവാഹികൾ പറയുന്നു.
Comments