തിരുവനന്തപുരം : ഉണ്ണി മുകുന്ദൻ നായകനാകുന്ന പുതിയ ചിത്രം ഷെഫീക്കിന്റെ സന്തോഷം സെപതംബർ മൂന്നാം വാരം ചിത്രീകരണം ആരംഭിക്കും. ഗുലുമാൽ ടിവി ഷോയുടെ അവതാരകനായ അനൂപ് ആണ് സംവിധാനം. ഉണ്ണി മുകുന്ദൻ ഫിലിംസിന്റെ ബാനറിൽ ബാദുഷയും ഉണ്ണി മുകുന്ദനും ചേർന്നാണ് ചിത്രം നിർമ്മിക്കുന്നത്.
റിയലിസ്റ്റിക് ഫൺ മൂവിയായ ചിത്രത്തിന്റെ സംഗീതം ഷാൻ റഹ്മാൻ ആണ് നിർവ്വഹിച്ചിരിക്കുന്നത്. എൽദോ ഐസകാണ് സിനിമയുടെ ഛായാഗ്രഹകൻ. ദി ഗ്രേറ്റ് ഫാദർ, സുഡാനി ഫ്രം നൈജീരിയ, കെട്ട്യോളാണെന്റെ മാലാഖ എന്നീ ചിത്രങ്ങളുടെ എഡിറ്റർ നൗഫൽ അബ്ദുള്ള, ആറാട്ട് തുടങ്ങിയ സിനിമയുടെ ആർട്ട് ഡയറക്ടർ ഷാജി നടുവിൽ, എന്നിങ്ങനെ മികച്ചവർ പിന്നണിയിൽ അണിനിരക്കുന്ന ചിത്രത്തിലെ മറ്റു താരങ്ങളുടെ വിവരങ്ങളും കൂടുതൽ അറിയിപ്പും ഉടനെ ഉണ്ടാകും.
രാകേഷ് കെ രാജൻ ചീഫ് അസ്സോസിയേറ്റ് ഡയറക്ടർ. കോസ്റ്റിയൂം ഇർഷാദ് ചെറുകുന്ന്, സ്റ്റിൽസ് ബിജിത് ധർമ്മടം, പ്രൊമോഷൻ കൺസൾട്ടന്റ് വിപിൻ കുമാർ. ഡിസൈൻ മാ മീ ജോ.
ഉണ്ണി മുകുന്ദൻ അഭിനയിക്കുന്ന ബ്രോ ഡാഡി, 12വേ മാൻ എന്നീ ചിത്രങ്ങൾക്ക് ശേഷം സെപതംബർ മൂന്നാം വാരമാകും പുതിയ ചിത്രത്തിന്റെ നിർമ്മാണം ആരംഭിക്കുക. രണ്ടു നായികമാരും, കൂടാതെ പ്രേക്ഷകരുടെ ഇഷ്ടതാരങ്ങളും ചിത്രത്തിൽ അണിനിരക്കുന്നുണ്ട്.
മേപ്പടിയാന് ശേഷം ഉണ്ണി മുകുന്ദൻ ഫിലിംസിന്റെ രണ്ടാമത്തെ ചിത്രമാണ് ഷെഫീക്കിന്റെ സന്തോഷം.
