ന്യൂഡൽഹി: ഡൽഹിയിലെ സർക്കാർ സ്കൂളിന് ഒളിമ്പിക്സ് മെഡൽ ജേതാവ് രവി ദഹിയയുടെ പേര് നൽകുമെന്ന് ഡൽഹി ഉപമുഖ്യമന്ത്രി മനീഷ് സിസോഡിയ പ്രഖ്യാപിച്ചു. രവി ദഹിയയെ ആദരിക്കുന്ന ചടങ്ങിൽ വെച്ചാണ് പ്രഖ്യാപനം നടത്തിയത്. ഡൽഹിയിലെ ആദർശ് നഗറിലെ സ്കൂളിനാണ് രവി ദഹിയയുടെ പേര് നൽകുക.രവി ദഹിയ ബാൽ വിദ്യാലയം എന്നാണ് സ്കൂൾ ഇനി അറിയപ്പെടുക.സ്കൂളിലെ പൂർവ്വ വിദ്യാർത്ഥിയാണ് ഇരുപത്തിമൂന്നുകാരനായ രവി ദഹിയ.
ഡൽഹി സർക്കാർ സ്കൂളിലെ പൂർവ്വ വിദ്യാർത്ഥി ഇന്ത്യയ്ക്കായി ഒരു ഒളിമ്പിക് മെഡൽ നേടിയത് വളരെ അഭിമാനകരമാണ്. രവി ദഹിയയുടെ ഒരു വലിയ ഛായാചിത്രം ഈ സ്കൂളിൽ സ്ഥാപിക്കും, അങ്ങനെ അത് കുട്ടികളെ ഒളിമ്പിക്സ് സ്വപ്നം കാണാനും രാജ്യത്തിന് അഭിമാനമായി മാറാൻ അവരെ പ്രചോദിപ്പിക്കുകയും ചെയ്യുമെന്ന് ഡൽഹി ഉപമുഖ്യമന്ത്രി മനീഷ് സിസോഡിയ പറഞ്ഞു
2020 ടോക്കിയോ ഒളിമ്പികിസിലെ വെള്ളിമെഡൽ ജേതാവാണ് രവി.ഒളിമ്പിക്സിലെ അരങ്ങേറ്റ മത്സരത്തിൽ തന്നെയാണ് മെഡൽ നേട്ടം. പുരുഷൽമാരുടെ 57 കിലോഗ്രാം വിഭാഗം ഗുസ്തി ഫൈനലിൽ റഷ്യൻ താരം സവുർ ഉഗൈവിനോടാണ് രവി പോരാടിയത്. സുശീൽ കുമാറിന് ശേഷം ഗുസ്തിയിൽ വെള്ളിമെഡൽ നേടുന്ന രണ്ടാമത്തെ ഇന്ത്യക്കാരനാണ് രവി.
