അബുദാബി: രാജ്യം വിട്ട അഫ്ഗാനിസ്താൻ പ്രസിഡന്റ് അഷ്റഫ് ഗാനിക്ക് അഭയം നൽകാൻ തയ്യാറാണെന്ന് യുഎഇ. മാനുഷിക പരിഗണന വെച്ച് അഷ്റഫ് ഗാനിയെയും കുടുംബത്തെയും സ്വീകരിക്കാൻ തയ്യാറാണെന്ന് യുഎഇ വിദേശകാര്യ മന്ത്രാലയമാണ് പ്രഖ്യാപിച്ചത്.
താലിബാൻ കാബൂൾ പിടിച്ചെടുത്തതോടെയായിരുന്നു കഴിഞ്ഞ ദിവസം അഫ്ഗാൻ പ്രസിഡന്റ് അഷ്റഫ് ഗാനി രാജ്യം വിട്ടത്. തുടർന്ന ഗാനി എവിടെയെന്നുള്ള ചോദ്യം ആഗോളതലത്തിൽ ഉയർന്നു. താജിക്കിസ്താനിലെത്തിയെന്ന അഭ്യൂഹമുണ്ടായെങ്കിലും ദുബായിലേക്കാണ് ഗാനി പോയതെന്ന റിപ്പോർട്ടുകൾ പിന്നീട് പുറത്തുവന്നു. ഇതിനെ സാധൂകരിക്കുന്നതാണ് യുഎഇ വിദേശകാര്യ മന്ത്രാലയത്തിന്റെ ഒടുവിലത്തെ പ്രതികരണം.
Comments