ടോക്കിയോ: ടോക്കിയോ പാരാലിംപിക്സിൽ ഇന്ത്യയ്ക്ക് രണ്ടാം മെഡൽ. ഹൈജംപിൽ നിഷാദ് കുമാറാണ് വെളളി മെഡൽ നേടി രാജ്യത്തിന് അഭിമാനമായത്. 2.06 മീറ്ററാണ് നിഷാദ് ചാടിയത്. 2021 ൽ നിഷാദ് തന്നെ കുറിച്ച ഏഷ്യൻ റെക്കോഡിന് തുല്യമാണിത്.
ഹൈജംപിൽ ദേശീയ ചാമ്പ്യനും 2019 ലെ വേൾഡ് ചാമ്പ്യൻഷിപ്പിൽ ദേശീയ, ഏഷ്യൻ റെക്കോഡ് ഉടമയുമാണ് നിഷാദ്.
രാംപാൽ ചഹറും ഇന്ത്യയ്ക്ക് വേണ്ടി ഇതേ കാറ്റഗറിയിൽ ഹൈജംപിൽ മത്സരിച്ചിരുന്നു. 1.94 മീറ്റർ ചാടിയ രാംപാലിന് അഞ്ചാം സ്ഥാനത്താണ് ഫിനീഷ് ചെയ്യാനായത്. രാംപാലിന്റെ ഏറ്റവും മികച്ച വ്യക്തിഗത ഉയരമാണിത്.
നേരത്തെ വനിതാ ടേബിൾ ടെന്നീസിൽ ഗുജറാത്തിൽ നിന്നുളള ഭാവിന പട്ടേലും വെള്ളിമെഡൽ നേടിയിരുന്നു.
