ജമ്മുകാശ്മീർ : വനിതാ സംരംഭക പ്രദർശനം ശ്രീനഗർ ആരംഭിച്ചു. പ്രദർശനം അഞ്ച് ദിവസം നീണ്ട് നിൽക്കും. ജമ്മുകശ്മീർ കരകൗശല -കൈത്തറി വകുപ്പുമായി സഹകരിച്ചാണ് പ്രദർശനം പ്രതീക്ഷ എന്ന പേരിലാണ് പ്രദർശനം സംഘടിപ്പിച്ചിരിക്കുന്നത്.
ഇതിനോടകം ബിസിനസുകൾ വിജയകരമായി കൊണ്ട് പോകുന്ന വനിതകളും പ്രദർശനത്തിൽ പങ്കെടുക്കുന്നുണ്ട്. പ്രതീക്ഷയിലൂടെ വനിതാ സംരംഭകർക്ക് അവരുടെ ഉൽപ്പന്നങ്ങൾ പ്രദർശിപ്പിക്കാനും ബ്രാൻഡുകൾ പ്രചരിപ്പിക്കാനും സഹായകരമാകും. സ്ത്രീകൾ അടുക്കളയ്ക്ക് മാത്രമാണ് അനുയോജ്യരെന്ന് ചിന്തിക്കുന്ന സമൂഹത്തിനെ ചോദ്യം ചെയ്യുക എന്ന ലക്ഷ്യം കൂടി പ്രദർശനത്തിനുണ്ടെന്ന് പ്രതീക്ഷയുടെ സംഘാടകർ വ്യക്തമാക്കി.
വളരെ ആവേശത്തോടെയും കയ്യടക്കത്തോടെയും സ്ത്രീകൾ പ്രദർശനം കൊണ്ട് പോകുന്നത് കാണുന്നതിൽ വളരെ അഭിമാനം തോനുന്നുണ്ടെന്ന് കരകൗശല-കൈത്തറി ഡയറക്ടർ മെഹ്മൂദ് ഷാ പറഞ്ഞു.
കരകൗശല വസ്തുക്കൾ,വസ്ത്രങ്ങൾ,ആഭരണങ്ങൾ തുടങ്ങി ഹോട്ടൽ സംരംഭങ്ങളുടെയക്കം പ്രദർശനം പ്രതീക്ഷയിൽ കാണാനാവുന്നു. വിനോദസഞ്ചാരികളടക്കം നിരവധി പേരാണ് പ്രദർശനം കാണാനെത്തുന്നത്. മികച്ച അഭിപ്രായങ്ങളോടെ വിജയകരമായി മുന്നോട്ട് പോകുന്ന പ്രദർശനം സെപ്തംബർ 17 ന് സമാപിക്കും.
