മുംബൈ: നഗരത്തിലെ 90 ശതാമാനം ആളുകളിലും കൊറോണയെ പ്രതിരോധിക്കാനാവശ്യമായ ആന്റിബോഡികളുടെ സാന്നിദ്ധ്യം കണ്ടെത്തി. നഗരവാസികളുടെ രക്ത പരിശോധനയിലൂടെയാണ് ഇക്കാര്യം വ്യക്തമായത്.
8,674 പേരുടെ രക്ത സാമ്പിളുകളാണ് പരിശോധനയ്ക്ക് വിധേയമാക്കിയത്. ഇവരിൽ 65 ശതമാനം ആളുകളും രണ്ട് ഡോസ് വാക്സിൻ സ്വീകരിച്ചവരാണ്. കൂടാതെ, പുരുഷന്മാരെക്കാളും പ്രതിരോധശേഷി സ്ത്രീകൾക്കാണെന്നും പഠനം വ്യക്തമാക്കുന്നു.
ആദ്യ ഡോസ് വാക്സിൻ സ്വീകരിച്ചവരെക്കാൾ പ്രതിരോധശേഷിയുള്ളത് രണ്ട് ഡോസ് സ്വീകരിച്ചവർക്കാണ്. കൊറോണ ഡെൽറ്റ വകഭേദത്തെ പ്രതിരോധിക്കാനുള്ള ആന്റിബോഡികളും ഈ ആളുകളിലുണ്ടെന്ന് ബ്രിഹൻമുംബൈ മുൻസിപ്പൽ കോർപ്പറേഷൻ(ബിഎംസി) അറിയിച്ചു.
ജനങ്ങളെ വാക്സിൻ സ്വീകരിക്കാൻ പ്രചോദിപ്പിക്കുന്നതാണ് പഠനം. കൊറോണ രണ്ടാം തരംഗം രൂക്ഷമായിരുന്ന മുംബൈയിലെ സ്ഥിതി നിയന്ത്രണ വിധേയമായക്കാൻ വാക്സിനിലൂടെ സാധിച്ചുവെന്നും ബിഎംസി കൂട്ടിച്ചേർത്തു.
