ബോക്‌സിംഗ് ഇതിഹാസം മൈക്ക് ടൈസൺ ഇന്ത്യൻ സിനിമയിൽ ; വിജയ് ദേവരകൊണ്ടയോടൊപ്പമുളള പോസ്റ്റർ പുറത്ത്

ഹൈദരാബാദ് : ബോക്‌സിംഗ് ഇതിഹാസം മൈക്ക് ടൈസൺ ഇനി ഇന്ത്യൻ സിനിമയിലേക്ക്. ആരാധകർ ആകാംക്ഷയോടെ കാത്തിരിക്കുന്ന വിജയ് ദേവരകൊണ്ട നായകനാകുന്ന ലൈഗർ എന്ന ചിത്രത്തിലാണ് ഹോളിവുഡ് താരം എത്തുന്നത്. മൈക്ക് ടൈസണെ ഉൾപ്പെടുത്തിക്കൊണ്ടുള്ള ചിത്രത്തിന്റെ പോസ്റ്ററും പുറത്തുവിട്ടിട്ടുണ്ട്.

പുരി ജഗന്നാഥ് സംവിധാനം ചെയ്യുന്ന ലൈഗറിന്റെ ചിത്രീകരണം കൊറോണ കാരണമാണ് നീണ്ടു പോയത്. എന്നാൽ സിനിമാ ചിത്രീകരണം വീണ്ടും ആരംഭിക്കുന്നതിന് മുന്നോടിയായാണ് ഈ വമ്പൻ പ്രഖ്യാപനം നടത്തിയിരിക്കുന്നത്. തെലുങ്ക് താരം വിജയ് ദേവരകൊണ്ടയും ബോളിവുഡ് സംവിധായകൻ കരൺ ജോഹറും ഈ വിവരം പങ്കുവെച്ചിട്ടുണ്ട്.

We promised you Madness!
We are just getting started 🙂

For the first time on Indian Screens. Joining our mass spectacle – #LIGER

The Baddest Man on the Planet
The God of Boxing
The Legend, the Beast, the Greatest of all Time!

IRON MIKE TYSON#NamasteTYSON pic.twitter.com/B8urGcv8HR

— Vijay Deverakonda (@TheDeverakonda) September 27, 2021

ചിത്രത്തിൽ ബോക്‌സിംഗ് താരമായാണ് വിജയ് വേഷമിടുന്നത്. ചിത്രത്തിന്റെ ക്ലൈമാക്‌സിൽ അതിഥി താരമായാണ് ടൈസൺ എത്തുന്നത് എന്നാണ് സൂചന. ഹിന്ദി തെലുങ്ക് ഭാഷകളിലാണ് ചിത്രം റിലീസ് ചെയ്യുക. തമിഴിലും കന്നഡയിലും മലയാളത്തിലും ചിത്രം മൊഴിമാറ്റിയും പ്രദർശനത്തിന് എത്തും.