എറണാകുളം: കളമശ്ശേരിയിൽ പെരുമ്പാമ്പിനെ പിടികൂടി. മുട്ടം മെട്രോ യാർഡിന് സമീപത്തുള്ള ചതുപ്പിൽ നിന്ന് കയറി വന്നതാണെന്ന് സംശയിക്കുന്നു. വിടാക്കുഴി സൗദാ ബീവിയുടെ വീടിന് സമീപം പറമ്പിലാണ് ഇന്നലെ രാത്രി പാമ്പിനെ കണ്ടത്.
വിവരമറിഞ്ഞ് സ്ഥലത്തെത്തിയ വാർഡ് കൗൺസിലർ മുഹമ്മദ് ഫെസിയും, ഷെരീഫ് റിലാക്സും ചേർന്ന് പാമ്പിനെ പിടികൂടി ചാക്കിലാക്കി വനം വകുപ്പിന് കൈമാറി. പാമ്പിനെ കണ്ട വിവരമറിഞ്ഞ് നിരവധി പേരാണ് അർദ്ധരാത്രിയിലും സ്ഥലത്തെത്തിയത്.
