കൊച്ചി: മലയാളികളുടെ പ്രിയതാരം ഭാവന സിനിമാ മേഖലയിൽ കൂടുതൽ സജീവമാകുമോ? അഭ്യൂഹമല്ലെന്ന ഉറച്ച പ്രതീക്ഷയിലാണ് താരത്തിന്റെ ആരാധകരും അഭ്യുദയകാംക്ഷികളും. ജിംനേഷ്യത്തിലെ കിടിലൻ വർക്ക് ഔട്ട് വീഡിയോ ആണ് ഭാവന തന്റെ സാമൂഹ്യ മാദ്ധ്യമങ്ങളിൽ ഇന്ന് പങ്ക് വെച്ചിരിക്കുന്നത്.
ഫിറ്റ്‌നസ് ട്രെയിനറോടൊപ്പം വ്യായാമം ചെയ്യുന്ന ദൃശ്യങ്ങൾ പ്രിയതാരത്തിന്റെ ആരാധകർ ഏറ്റെടുത്തുകഴിഞ്ഞു. ഇൻസ്റ്റഗ്രാമിൽ പോസ്റ്റുചെയ്ത വീഡിയോയ്‌ക്ക് താഴെ കമന്റുകൾ നിറയുകയാണ്. മലയാള ചലചിത്രലോകത്തേയ്‌ക്ക് സ്വാഗതം ചെയ്തുകൊണ്ടുള്ള കമന്റുകളുമായെത്തുന്നവരാണ് ഏറെയും. കർണ്ണാടക സ്വദേശിയായ നവീനുമായുള്ള വിവാഹത്തിന് ശേഷം സിനിമാ അഭിനയത്തിൽ നിന്നും വിട്ടുനിൽക്കുകയായിരുന്നു ഭാവന.
2018 ലായിരുന്നു ഇരുവരുടെയും വിവാഹം. ചില അന്യഭാഷാ ചിത്രങ്ങളിൽ മുഖം കാണിച്ചെങ്കിലും മലയാളത്തിൽ അഭിനയിച്ചിട്ടില്ല. അന്തരിച്ച കന്നടതാരം പുനീത് രാജ്കുമാറിനോടൊപ്പം ഒരുചിത്രത്തിൽ അഭിനയിച്ചു. തൃശ്ശൂർ ജില്ലയിലെ പെരിങ്ങാവ് സ്വദേശിനിയാണ് ഭാവന.
വർക്ക്ഔട്ട് വീഡിയോ കാണാൻ ക്ലിക്ക് ചെയ്യുക
