കൊച്ചി: സംസ്ഥാനത്തെ ഏക മെട്രോ ട്രയിൻ സർവീസുള്ള കൊച്ചിയിൽ ഇതുവരെ കയറാത്തവരുണ്ടോ.. കൊച്ചി മെട്രോ യാത്ര അനുഭവിച്ചവർക്കും അല്ലാത്തവർക്കുമായി പുതിയ അറിയിപ്പുമായി എത്തിയിരിക്കുകയാണ് അധികൃതർ. ഞായറാഴ്ച ദിവസം മെട്രോയിൽ സൗജന്യ യാത്ര സേവനം അനുവദിക്കുമെന്ന് കൊച്ചി മെട്രോ ഔദ്യോഗികമായി അറിയിച്ചു.
നിബന്ധനകളോടെയാണ് യാത്ര സൗകര്യം ഏർപ്പെടുത്തിയിട്ടുള്ളത്. വൈറ്റിലയിൽ നിന്ന് ഇടപ്പിള്ളിയിലേക്കും തിരിച്ചും, അതുപോലെ ആലുവയിൽ നിന്ന് ഇടപ്പിള്ളിയിലേക്കും തിരിച്ചുമാണ് സൗജന്യ യാത്ര. ഡിസംബർ അഞ്ചിന് വൈകിട്ട് മൂന്നിനും നാലിനും ഇടയിലാണ് സേവനം ലഭിക്കുക. ഇതിനായി ഇടപ്പിള്ളി, ആലുവ, വൈറ്റില മെട്രോ സ്റ്റേഷനുകളെയാണ് സമീപിക്കേണ്ടത്.
ഇക്കാര്യം കൊച്ചി മെട്രോയുടെ ഫേസ്ബുക്ക് പേജിലൂടെയാണ് പ്രഖ്യാപിച്ചിരിക്കുന്നത്. ഫേസ്ബുക്ക് പോസ്റ്റിന്റെ പൂർണരൂപം:
‘ഏറ്റവും വേഗത്തിൽ സുരക്ഷിതവും സുഖകരവുമായി ലക്ഷ്യസ്ഥാനത്ത് എത്താൻ കൊച്ചി മെട്രോ യെപ്പോലെ മറ്റെന്നില്ല. ഓരോ ദിവസവും നിരവധി പേരാണ് ഈ യാത്രാ സൗകര്യം പ്രയോജനപ്പെടുത്തുന്നത്. എന്നാൽ കൊച്ചി മെട്രോയിൽ ഇതേവരെ യാത്ര ചെയ്തിട്ടില്ലാത്തവരുമുണ്ട്. അവർക്കായി ഇതാ കൊച്ചി മെട്രോ തികച്ചും സൗജന്യ മായി യാത്രയ്ക്ക് അവസരമൊരുക്കുന്നു. ഡിസംബർ 5 ാം തിയതി വൈറ്റിലയിൽ നിന്നും ഇടപ്പള്ളിയിലക്കും ആലുവയിൽ നിന്നും ഇടപ്പള്ളിയിലക്കും സൗജന്യമായി യാത്ര ചെയ്യാം. വൈകിട്ട് മൂന്ന് മണിക്കും നാല് മണിക്കും ഇടയിലാണ് സൗജന്യ യാത്ര സൗകര്യം. അസ്വദിക്കൂ ഈ യാത്ര. കൊച്ചി മെട്രോ യിലെ സുഖയാത്ര അനുഭവിച്ചറിയൂ.. വൈറ്റില, ഇടപ്പളളി, ആലുവ, എന്നീ മെട്രോ സ്റ്റേഷനുകളിലെ ടിക്കറ്റ് കൗണ്ടറുകളെ സമീപിച്ച് ഈ സൗകര്യം പ്രയോജനപ്പെടുത്താം.’
Comments