ന്യൂഡല്ഹി: യുകെയിലേതുപോലെ ഒരുസാഹചര്യം ഇന്ത്യയില് ഉണ്ടായാല് ദിനംപ്രതി 14 ലക്ഷം കേസുകള് കാണാനാവുമെന്ന് കേന്ദ്രം മുന്നറിയിപ്പു നല്കി. കഴിഞ്ഞ 24 മണിക്കൂറിനകം 93,045 കേസുകളാണ് ബ്രിട്ടനില് റിപ്പോര്ട്ട് ചെയ്തത്. മുതിര്ന്നവരില് ഒരുശതമാനം വാക്സിനേഷന് നല്കിയിട്ടും കൊറോണ വകഭേദങ്ങളായ ഡല്റ്റയും ഒമിക്രോണും കുതിച്ചുകയറുന്നതിനാണ് ബ്രിട്ടനും ഫ്രാന്സും സാക്ഷ്യം വഹിക്കുന്നതെന്നും സര്ക്കാര് വ്യക്തമാക്കി.
ആഫ്രിക്കയുടെ ചില ഭാഗങ്ങളില് മാത്രമല്ല യൂറോപ്പിന്റെ പലഭാഗങ്ങളിലും സ്ഥിതി ഗുരുതരമാണെന്നാണ് പൊതുസമൂഹത്തില് നിന്നും ലഭിക്കുന്ന വിവരമെന്നും നീതി ആയോഗ് അംഗം ഡോ.വികെ പോള് പറഞ്ഞു.
ഒമിക്രോണ് വ്യാപനം ലോകത്ത് അതിവേഗം പടരുന്ന സാഹചര്യമുണ്ട്. എന്നാല് അത്തരം ഒരു സ്ഥിതി വിശേഷം ഇവിടെ ഉണ്ടാവാതിരിക്കാന് ശ്രമം നടത്തണമെന്നും അത്തരം സ്ഥിതി ഉണ്ടായാലും അതിനെ തരണം ചെയ്യാന് നാം സജ്ജമാണെന്നും അദ്ദേഹം വ്യക്തമാക്കി.
Comments