ഇസ്ലാമിക ശരീഅത്തിനും സംസ്‌കാരത്തിനും വിരുദ്ധമെന്ന് പരാതി;മാളിലെ കൂറ്റൻ ക്രിസ്മസ് ട്രീ നീക്കം ചെയ്തു

കുവൈത്ത് സിറ്റി: കുവൈത്തിലെ പ്രധാന ഷോപ്പിങ് കേന്ദ്രമായ അവന്യൂസ് മാളിൽ സ്ഥാപിച്ചിരുന്ന കൂറ്റൻ ക്രിസ്മസ് ട്രീ നീക്കം ചെയ്തത്.ഇസ്ലാമിക ശരീഅത്തിനും കുവൈത്ത് സംസ്‌കാരത്തിനും യോജിച്ചതല്ലെന്ന് സ്വദേശികൾ പരാതിപ്പെട്ടതോടെയാണ് ക്രിസ്മസ് ട്രീ നീക്കം ചെയ്തത്.

ഇസ്ലാമിക നിയമങ്ങൾക്കും കുവൈത്തിന്റെ സംസ്‌കാരങ്ങൾക്കും ഇത് യോജിച്ചതല്ലെന്നായിരുന്നു പ്രധാന ആരോപണം. അതേസമയം മാളിൽ നിന്ന് ക്രിസ്മസ് ട്രീ നീക്കിയ സംഭവത്തെക്കുറിച്ച് ഔദ്യോഗിക പ്രതികരണങ്ങളൊന്നും ലഭ്യമായിട്ടില്ല.

കുവൈത്തിലെ ഏറ്റവും വലിയ ഷോപ്പിങ് മാളുകളിലൊന്നായ അവന്യൂസിൽ ക്രിസ്മസ് സീസണിനോടനുബന്ധിച്ചാണ് ക്രിസ്മസ് ട്രീ സ്ഥാപിച്ചത്.ഇസ്ലാമിക നിയമങ്ങൾക്കും കുവൈത്തിന്റെ സംസ്‌കാരങ്ങൾക്കും ഇത് യോജിച്ചതല്ലെന്നായിരുന്നു പ്രധാന ആരോപണം.

അതേസമയം ഇക്കഴിഞ്ഞ ഓഗസ്റ്റ് മാസം കുവൈത്തിലെ ഒരു ഷോപ്പിങ് മാളിൽ സ്ഥാപിച്ചിരുന്ന പ്രതിമയെച്ചൊല്ലിയും പരാതികൾ ഉയർന്നിരുന്നു. ഗ്രീക്ക് ഐതിഹ്യ പ്രകാരമുള്ള സ്നേഹത്തിന്റെയും സൗന്ദര്യത്തിന്റെയും ദേവതയായ അഫ്രൊഡൈറ്റിന്റെ പ്രതിമയ്‌ക്കെതിരെയാണ് രാജ്യത്തെ ഒരു മാൾ അധികൃതർക്ക് ഓൺലൈനായി പരാതി ലഭിച്ചത്.