ആലപ്പുഴ:എസ് ഡി പി ഐ നേതാവ് കൊല്ലപ്പെട്ടതിന് പിന്നാലെ കൊലവിളിയുമായി സംഘടിച്ച ഭീകര സംഘങ്ങളെ കുറിച്ച് അന്വേഷണമാരംഭിച്ചു. കേന്ദ്ര-സംസ്ഥാന രഹസ്യാന്വേഷണ വിഭാഗങ്ങളാണ് അന്വേഷണം തുടങ്ങിയത്.
എസ് ഡി പി ഐ സംസ്ഥാന സെക്രട്ടറി കെ എസ് ഷാനെ അജ്ഞാത സംഘം കൊലപ്പെടുത്തി ഏതാനും മണിക്കൂറുകൾക്കകം അർദ്ധരാത്രി ആലുവയിലും, എറണാകുളം നഗരത്തിലും സംഘടിച്ചെത്തിയത് കൊച്ചിയിലെ പ്രമുഖ മാളിലെയും, ഷോപ്പിംഗ് കോംപ്ലക്‌സുകളിലെയും പോപ്പുലർ ഫ്രണ്ട് – എസ് ഡി പി ഐ സംഘാംഗങ്ങളെന്നാണ് വിവരം.മാളുകളും തീവ്രവാദ സംഘടനകൾ രഹസ്യ കേന്ദ്രമാക്കുന്നതായി റിപ്പോർട്ടുകളുണ്ട്.
മാളിൽ പ്രവർത്തിക്കുന്ന വിവിധ സ്ഥാപനങ്ങളിൽ ജീവനക്കാരായി എത്തിയവരിൽ ഭൂരിഭാഗവും ഇസ്ലാമിസ്റ്റുകളായ തീവ്രവാദ പ്രവർത്തകർ എന്നാണ് വിവരം.റിക്രൂട്ട്‌മെന്റ് ഏജൻസികൾ വഴിയും,നേരിട്ടും നിരവധി പേർ ഇവിടെ എത്തിയിട്ടുണ്ടെന്നാണ് റിപ്പോർട്ട്.
മാളിലെ ഹൈപ്പർമാർക്കറ്റ് ഇവരുടെ പ്രധാന കേന്ദ്രമാണെന്ന് സൂചനയുണ്ട്.മാൾ ജീവനക്കാരുടെ ഹോസ്റ്റലുകളിലും,പ്രത്യേകം വീടുകളിലുമായാണ് ഇവർ താമസിക്കുന്നത്.ഇവിടെ നിന്നുമാണ് കഴിഞ്ഞ ദിവസം ഇടപ്പള്ളിയിലും,ആലുവയിലും നടന്ന പോപ്പുലർ ഫ്രണ്ട് പ്രകടനത്തിൽ കൂട്ടമായി ഇവർ എത്തിയത്.
