ന്യൂഡല്ഹി:നൂറ് കിലോമീറ്റര് അകലെ ലക്ഷ്യസ്ഥാനം കണ്ടെത്തി നശിപ്പിക്കുന്ന മിസൈല് സംവിധാനമാണ് ഡിആര്ഡിഒ ഒരുക്കുന്നത്.ശത്രുവിന് ശക്തമായ പ്രഹരമേല്പ്പിക്കുന്ന പുത്തന്തലമുറ ആന്റിറേഡിയേഷന് മിസൈല് രുദ്രം ഉടന് ആകാശമേറും.
ശത്രുവിന്റെ റഡാര് സ്ഥാനം കണ്ടെത്തുകയും തന്ത്രപരമായി നശിപ്പിക്കുകയും ചെയ്യാന് കഴുവുറ്റതാണ് രുദ്രം. ശത്രുവിനെ അതിന്റെ മാളത്തില് ചെന്ന് നശിപ്പിക്കുന്ന തന്ത്രമാണ് രുദ്രം പയറ്റുക. ശത്രുവിന്റെ റഡാര് സംവിധാനം തകരുന്നതോടെ ഇന്ത്യന് വ്യോമസേനയുടെ ലക്ഷ്യസ്ഥാനം കണ്ടെത്താന് ശത്രുസേനയ്ക്ക് ദുഷ്കരമാകും.റഡാര് സംവിധാനം പ്രവര്ത്തിക്കാത്ത സമയത്തും ഇവയെ കണ്ടെത്തി നശിപ്പിക്കാനാവുമെന്നതാണ് ഇതിന്റെ പ്രത്യേകത.
ഇന്ത്യന് വ്യോമസേനയുടെ യുദ്ധവിമാനങ്ങളായ സുഖോയ്-30, മിറാഷ്-2000 എന്നിവയില് നിന്ന് വിക്ഷേപിക്കാന് സാധിക്കുന്നതാണ് ഈ പുത്തന്തലമുറ മിസൈല്.ഒട്ടേറെ ന്യൂജനറേഷന് ആന്റിറേഡിയേഷന് മിസൈലുകളാണ് ഭാവിയിലേക്ക് ഒരുങ്ങുന്നത്.
ഏറെ മിസലുകള് വിക്ഷേപിച്ചെങ്കിലും രുദ്രം വിക്ഷേപണവിജയം നേടിയാല് ഇത്തരം മിസൈലുകളുടെ പരമ്പരകള് നിര്മിക്കുകയും അവ സായുധസേനയുടെ ആയുധപ്പുരയില് സൂക്ഷിക്കുകയും ചെയ്യും. ദീര്ഘദൂര തന്ത്രപരമായ മിസൈലുകളായ അഗ്നി-പി, പ്രളയ് ഉള്പ്പെടെ ഉപരിതല മിസൈലുകളുടെ വിജയത്തെ പിന്പറ്റിയാണ് രുദ്രന്റെയും വരവ്.
