തിരുവനന്തപുരം ; പുതുവത്സരദിനത്തിൽ കെഎസ്ആർടിസി യാത്രക്കാർക്ക് വേണ്ടി സംഘടിപ്പിക്കുന്ന ന്യൂ ഇയർ ആഘോഷരാവിന്റെ സമയം പുന: ക്രമീകരിച്ചു. സർക്കാർ ഉത്തരവ് പ്രകാരമുള്ള കൊറോണ നിയന്ത്രണങ്ങൾ പാലിച്ച് ഡിസംബർ 31നും ജനുവവരി 1 നും ഉള്ള പരിപാടി വൈകുന്നേരം 4 മണി മുതൽ രാത്രി 9 മണി വരെയായി പുനക്രമീകരിച്ചു. .
കെഎസ്ആർടിസി ഡിസംബർ 31 ന് മാത്രം നടത്താൻ തീരുമാനിച്ച പരിപാടിക്ക് വലിയ സ്വീകാര്യത ലഭിച്ചതിനെ തുടർന്ന് യാത്രാക്കാരുടെ ആവശ്യം പരിഗണിച്ചാണ് ജനുവരി 1 നും പരിപാടി നടത്തുന്നത്. ഇൻലാന്റ് നാവിഗേഷൻ കോർപ്പറേഷനുമായി ചേർന്ന് കെഎസ്ആർടിസി പ്രത്യേക പരിപാടി സംഘടിപ്പിക്കാൻ തീരുമാനിക്കുകയായിരുന്നു.
5 വയസ്സിന് താഴെയുള്ള കുട്ടികൾക്ക് പ്രവേശനം സൗജന്യമാണ്. 5 മുതൽ 11 വയസ് വരെയുളളവർക്ക് 1999 രൂപ നിരക്കും, അതിന് മുകളിൽ പ്രായമുള്ളവർക്ക് 3499 രൂപ നിരക്കുമാണ് നിശ്ചയിച്ചിക്കുന്നത്. ജനുവരി 1 ന് വൈകുന്നേരം 4 മണി മുതൽ രാത്രി 9 മണി വരെയാണ് പ്രത്യേക പുതുവത്സര ആഘോഷം നടത്തുക. എറണാകുളം വാർഫ് , വെല്ലിംഗ്ടൺ ഐലന്റിൽ നിന്നും വൈകിട്ട് 3 മണി മുതൽ പ്രവേശനം ആരംഭിക്കും.
ഡിസംബർ 31 ന്റെ ആഘോഷരാവ് സർക്കാർ ഉത്തരവ് പ്രകാരമുള്ള കൊറോണ നിയന്ത്രണങ്ങൾ പാലിച്ച് ഡിസംബർ 31ന് വൈകുന്നേരം 4 മണി മുതൽ രാത്രി 9 മണി വരെയായി പുനക്രമീകരിച്ചിട്ടുണ്ട്. എറണാകുളം വാർഫ് , വെല്ലിംഗ്ടൺ ഐലന്റിൽ നിന്നും വൈകിട്ട് 3 മണി മുതൽ പ്രവേശനം ആരംഭിക്കും.
തിരുവനന്തപുരം, കൊല്ലം, ആലപ്പുഴ മലപ്പുറം, കോഴിക്കോട്, തൃശ്ശൂർ, പാലക്കാട് ജില്ലകളിൽ നിന്ന് എ.സി ബസിൽ കൊണ്ടുപോയി തിരികെയെത്തിക്കുമെന്നും കെഎസ്ആർടിസി വാഗ്ദാനം ചെയ്യുന്നു.
Comments