മുംബൈ:ദുരനുഭവം തുറന്ന് പറഞ്ഞ് നടി സണ്ണി ലിയോൺ. അഭിമുഖത്തിനായി എത്തിയപ്പോൾ തനിക്ക് നേരിടേണ്ടി വന്ന ദുരവസ്ഥയെ പറ്റിയാണ് നടി തുറന്ന് പറഞ്ഞത്.2016 ൽ ഒരു ദേശീയ മാദ്ധ്യമത്തിന് നൽകിയ അഭിമുഖത്തെ പറ്റിയാണ് താരം വെളിപ്പെടുത്തിയത്.തനിക്കുണ്ടായ ദുരനുഭവം മാനസികമായി തളർത്തിയെന്നും താരം വ്യക്തമാക്കി. അഭിമുഖ സമയത്ത് ആരും തന്നെ സഹായിച്ചില്ലെന്നും അഭിമുഖമെടുക്കുന്നയാളുടെ പെരുമാറ്റത്തെ എതിർത്തില്ലെന്നും നടി പറഞ്ഞു.
ഒരു മഞ്ഞ പത്രക്കാരനെപോലെയായിരുന്നു അവതാരകന്റെ പെരുമാറ്റമെന്നും അഡൽറ്റ് ചിത്രങ്ങളിൽ അഭിനയിച്ചിരുന്ന ഭൂതകാലത്തെ കുറിച്ച് അശ്ലീല ചുവയോടെ ചോദ്യങ്ങൾ ചോദിച്ച് അസ്വസ്ഥതയുണ്ടാക്കിയെന്നും നടി പറഞ്ഞു.
ആ സംഭവം തന്നെ ഗുരുതരമായി ബാധിച്ചെന്നും മാനസികാഘാതത്തിൽ നിന്നും പുറത്തു കടക്കാൻ ദീർഘകാലമെടുത്തതായും നടി പറഞ്ഞു.എല്ലാ തരത്തിലും തന്നെ വേദനിപ്പിക്കുന്ന അനുഭവമായിരുന്നു അതെന്നും പുറത്തു കടക്കാൻ ദീർഘകാലമെടുത്തെന്നും നടി തുറന്ന് പറഞ്ഞു.
അന്ന് അഭിമുഖം നടക്കുന്ന മുറിയിൽ നിരവധി പേരുണ്ടായിട്ടും ആരും സഹായിക്കാൻ മുന്നോട്ട് വരാഞ്ഞത് ഏറെ വേദനിപ്പിച്ചെന്നും നടി കൂട്ടിച്ചേർത്തു.സഹിക്കവയ്യാതെ പ്രതികരിച്ചെന്നും നടി വെളിപ്പെടുത്തി. ദേശീയ മാദ്ധ്യമത്തിന് നൽകിയ അഭിമുഖത്തിലാണ് താരം തനിക്ക് നേരിടേണ്ടി വന്ന ദുരനുഭവത്തെ കുറിച്ച് തുറന്ന് പറഞ്ഞത്.
