നമ്മൾ എല്ലാവരും ഇഷ്ടപ്പെടുന്ന ഒരു ഫലമാണ് ഓറഞ്ച്. ഒരൽപ്പം പുളിയും മധരുവും നിറഞ്ഞ ഈ പഴം കഴിക്കുന്നത് നല്ലതാണെന്ന് ആരോഗ്യവിദഗ്ദർ പറയുന്നു. എന്നാൽ ഈ ഓറഞ്ച് കഴിക്കുമ്പോൾ നമ്മൾ അലക്ഷ്യമായി വലിച്ചെറിയുന്ന ഒന്നാവും അതിന്റെ തൊലി. ചിലർ ചെടികൾക്ക് വളമായി ഇതിനെ ഉപയോഗിക്കാറുണ്ടെങ്കിലും കൂടുതൽ ആളുകൾക്കും ഓറഞ്ച് തൊലി ഒരു പാഴ് വസ്തു തന്നെയാണ്. പക്ഷേ, ഇനി കേട്ടോളൂ…ഈ ഓറഞ്ച് തൊലി ആള് ചില്ലറക്കാരനല്ല. വെറും ഓറഞ്ച് തൊലിക്ക് ആഡംബരത്വം നൽകിയിരിക്കുകയാണ് ഒരു ജോർദാൻകാരൻ.
ജോർദാനിയൻ ഫുഡ് ആർട്ടിസ്റ്റും മോളിക്ക്യുലാർ ഗ്യാസ്ട്രോണമിസ്റ്റുമായ ഒമർ സർതാവിയുടെ കൈയിലെത്തിയ ഓറഞ്ച് വലിയ കൂടിയ ആഡംബര ബാഗായി മാറിയിരിക്കുകയാണ്. പരിസ്ഥിതി സൗഹൃദവും, ഉയർന്ന നിലവാരമുള്ളതുമായ ആഡംബര വസ്തുക്കൾ നിറമിക്കുക എന്നതാണ് ഒമർ സതാവിയുടെ സൃഷ്ടിയുടെ ആശയം. എന്നാൽ പെട്ടെന്ന് കേട് വരുന്ന ഈ ഓറഞ്ച് തൊലി എങ്ങനെയാണ് ആഡംബര ബാഗായി മാറ്റാൻ സാധിക്കുന്നത്? ഇതിന് വ്യക്തമായ ഉത്തരം ഒമർ തന്നെ ഒരു വീഡിയോയിലൂടെ നൽകുന്നുണ്ട്.
ഓറഞ്ച് വാങ്ങി അതിന്റെ തൊലി എടുത്ത് വെച്ച് രണ്ടാഴ്ചത്തേക്ക് അതിനെ വിവിധ പ്രോസസ്സുകൾക്ക് വിധേയമാക്കും. പിന്നീട്, എന്ത് ഡിസൈനാണോ ആഗ്രഹിക്കുന്നത് അതുകൊണ്ട് വരാൻ ഡിജിറ്റൽ ഫാബ്രിക്കേഷൻ എന്ന പ്രക്രിയ ഉപയോഗിക്കുന്നു. തുടർന്ന് ലേസർ ഉപയോഗിച്ച് ഇവ മുറിക്കുന്നു. ഇ്ങ്ങനെ വിവിധ ഘട്ടങ്ങളിലൂടെ കടന്ന് പോകുന്ന ഓറഞ്ച് തൊലി അവസാനം ആരെയും കൊതിപ്പിക്കുന്ന ബാഗായി മാറുന്നു.
ഓറഞ്ച് തൊലികൊണ്ടുള്ള ബാഗിന് പുറമെ, ഒമറിന്റെ കലാവിരുതിൽ പുറവികൊണ്ട മറ്റ് സൃഷ്ടികളുമുണ്ട്. വഴുതന ഉപയോഗിച്ച് ഒമർ മാസ്ക് നിർമ്മിച്ചിട്ടുണ്ട്. കൂടാതെ നമ്മൾ പാഴ് വസ്തു എന്ന മുദ്രകുത്തി എറിഞ്ഞു കളയുന്ന പല വസ്തുക്കളും ഒമറിന്റെ ഭാവനയിൽ ആഡംബര വസ്തുക്കളാണ്. ‘ലഭ്യമായ സാങ്കേതിക വിദ്യകളിലൂടെ ആധുനിക ഡിസൈനുകളുള്ള അതിഗംഭീരമായ ഉൽപ്പന്നങ്ങൾ നമുക്ക് സൃഷ്ടിക്കാൻ കഴിയും. ഫാഷൻ, ആക്സസറികൾ, ബാഗുകൾ, ഫർണിച്ചറുകൾ എന്നിവയിൽ ഞാൻ ഇത് ഉപയോഗിക്കുന്നു,” ഒമർ പറയുന്നു.
Comments