ഇൻസ്റ്റഗ്രാമിൽ ഏറ്റവും കൂടുതൽ പ്രതിഫലം വാങ്ങുന്ന സെലിബ്രിറ്റിയായി ക്രിക്കറ്റ് താരം വിരാട് കോഹ്ലി. ഒരു പോസ്റ്റിന് 6,80,000 ഡോളറാണ് കോഹ്ലിക്ക് ലഭിക്കുന്നത്. ലോക പട്ടകയിൽ 19 ാം സ്ഥാനത്താണ് കോഹ്ലിയുടെ സ്ഥാനം. 27 ാം സ്ഥാനത്ത് ബോളിവുഡ് താരം പ്രിയങ്ക ചോപ്രയുമുണ്ട്. 4,03,000 ഡോളറാണ് പ്രിയങ്കയ്ക്ക് ഒരു പോസ്റ്റിന് ലഭിക്കുന്നത്. ആദ്യ 50 പേരുടെ പട്ടികയിൽ ഇന്ത്യയിൽ നിന്നും ഈ രണ്ട് താരങ്ങളാണ് ഇടം പിടിച്ചിരിക്കുന്നത്.
ലോക ഫുട്ബോൾ താരം ക്രിസ്റ്റ്യാനോ റൊണാഡോയാണ് ഈ പട്ടികയിൽ ഒന്നാം സ്ഥാനത്തെത്തിയിരിക്കുന്നത്. ഒരു പോസ്റ്റിന് താരത്തിന് ലഭിക്കുന്നത് 16,04,000 ഡോളറാണ്. രണ്ടമതായി അമേരിക്കൻ നടൻ ഡ്വെയിൻ ജോൺസണാണ്. അദ്ദേഹത്തിന് ഒരു പോസ്റ്റിലൂടെ ലഭിക്കുന്ന വരുമാനം 15,23,000 ഡോളറാണ്. അരിയാനെ ഗ്രാൻഡെ, കെയിൽ ജെന്നെർ, സെലേന ഗോമെസ് എന്നിവരാണ് ആദ്യ അഞ്ച് സ്ഥാനത്തുള്ളത്.
പട്ടികയിലെ ആദ്യത്തെ പത്ത് പേരിൽ ഇടം നേടിയ മറ്റൊരു ഫുട്ബോൾ താരം ലയണൽ മെസിയാണ്. ഒരു പോസ്റ്റിന് 11,69,000 സമ്പാദിച്ച് ഏഴാം സ്ഥാനത്താണ് അദ്ദേഹം. കിം കാർദിഷാൻ, ബിയോൺസ്, ജെസ്റ്റിൻ ബിയ്ബെർ, കെൻഡാൽ ജെന്നെർ എന്നിവരാണ് പട്ടികയിലെ ആദ്യ പത്തിൽ ഇടം നേടിയ മറ്റ് താരങ്ങൾ.
