ബാലവിവാഹത്തിന്റെ കഥ പറഞ്ഞ് മലയാളിൽ മനസ്സിൽ നൊമ്പരമായി മാറിയ ചിത്രമാണ് ‘ പാഠം ഒന്ന് ഒരു വിലാപം ‘ . അതിലെ ഷാഹിന എന്ന കഥാപാത്രം മീരാജാസ്മിന്റെ ജീവിതത്തിലെ നാഴികക്കല്ലുകളിൽ ഒന്നായിരുന്നു.
ആ സിനിമയുടെ സെറ്റിലെ ചിത്രമാണ് മീര ജാസ്മിൻ പങ്ക് വച്ചിരിക്കുന്നത് . ‘പാഠം ഒന്ന്: ഒരു വിലാപം’ എന്ന ചിത്രത്തിലെ ഷാഹിനയെ സ്നേഹപൂർവം ഓർക്കുന്നു. ഹൃദയത്തോട് ചേര്ന്നിരിക്കുന്ന കഥാപാത്രമാണ് ഷാഹിന. ഷാഹിനയുടെ ജീവിതത്തിലൂടെ യാത്ര ചെയ്യാന് കഴിഞ്ഞതും മികച്ച ടീമിനൊപ്പം പ്രവൃത്തിക്കാന് കഴിഞ്ഞതും ഒരു അനുഭവമായിരുന്നു. എന്നെ ഞാനാക്കിയ ചില അനുഭവങ്ങിലേക്കുള്ള ചില തിരിഞ്ഞു നോക്കലുകളിലേക്ക്.’– മീര കുറിച്ചു
രണ്ട് ചിത്രങ്ങളാണ് പങ്കുവച്ചിരിക്കുന്നത്. ബാലതാരമായിരുന്ന കീര്ത്തന അനിലിനൊപ്പമുള്ളതായിരുന്നു ഒരു ചിത്രം . ചിത്രത്തിന് താഴെ കീര്ത്തന കമന്റും ചെയ്തിട്ടുണ്ട്. ‘ഈ ചിത്രം കാണാന് കഴിഞ്ഞതില് സന്തോഷമുണ്ട്, ഞാനാണ് നിങ്ങള്ക്ക് ഒപ്പമുള്ളത്.’– ഇങ്ങനെയായിരുന്നു കീർത്തനയുടെ കമന്റ്. നിന്നില് നിന്ന് തന്നെ ഇത് കേള്ക്കാന് കഴിഞ്ഞതില് സന്തോഷമെന്ന് മീരയും മറുപടി കൊടുത്തു.
ഷാഹിന എന്ന പതിനഞ്ചു വയസ്സുകാരിയുടെ കഥയാണ് ഈ ചിത്രം പറയുന്നത്. പഠിക്കുവാന് മിടുക്കിയായ ഷാഹിന പത്താം ക്ലാസിനു ശേഷവും പഠിത്തം തുടരുവാന് ആഗ്രഹിക്കുന്നു. പക്ഷെ വീട്ടുകാര് അവളുടെ വിവാഹം ഉറപ്പിക്കുന്നു. ഷാഹിന ദൂഷിതമായ സാമൂഹ്യവ്യവസ്ഥയില് നിന്ന് കുതറിമാറുവാന് ശ്രമിക്കുന്നുണ്ടെകിലും ഒടുവില് വ്യവസ്ഥിതിക്കു കീഴടങ്ങുന്നു.
ചിത്രത്തിലെ അഭിനയത്തിന് മീര ജാസ്മിന് മികച്ച നടിക്കുള്ള പുരസ്കാരവും സ്വന്തമാക്കി.
