കർണാടകയിലെ സ്‌കൂൾ പാഠപുസ്തകത്തിൽ നൽകിയ പോസ്റ്റ്മാന്റെ ചിത്രം കണ്ട് അമ്പരന്ന് നടൻ കുഞ്ചാക്കോ ബോബൻ. പോലീസ്, ടീച്ചർ, ടിക്കറ്റ് ചെക്കർ, നേഴ്‌സ്, ഡ്രൈവർ തുടങ്ങിയ ജോലികൾ പരിചയപ്പെടുത്തുന്ന കന്നഡ ചിത്രമാലയിലാണ് പോസ്റ്റ്മാന്റെ മുഖമായി കുഞ്ചാക്കോ ബോബൻ പ്രത്യക്ഷപ്പെട്ടത്. സമൂഹമാദ്ധ്യമങ്ങളിലൂടെയാണ് കുഞ്ചാക്കോ ബോബൻ രസകരമായ ഈ സംഭവം പങ്കുവെച്ചത്.
‘അങ്ങനെ കർണാടകത്തിൽ സർക്കാർ ജോലിയും സെറ്റായി. പണ്ട് കത്തുകൾ കൊണ്ട് തന്ന പോസ്റ്റ്മാന്റെ പ്രാർത്ഥന’ എന്ന അടിക്കുറിപ്പോടെയാണ് കുഞ്ചാക്കോ ബോബൻ ചിത്രം പങ്കുവെച്ചത്. കുഞ്ചാക്കോ ബോബൻ പ്രധാന വേഷത്തിലെത്തിയ ഒരിടത്തൊരു പോസ്റ്റുമാൻ എന്ന സിനിമയിലെ ചിത്രമാണ് കർണാടക സർക്കാർ പാഠപുസ്തകത്തിലെ ചിത്രമാലയിൽ ‘പോസ്റ്റുമാൻ’ എന്ന പേരിൽ പരിചയപ്പെടുത്തുന്നത്.
കുഞ്ചാക്കോ ബോബൻ ചിത്രം പങ്കുവെച്ചതിന് പിന്നാലെ രസകരമായ അഭിപ്രായങ്ങളാണ് ആളുകൾ പങ്കുവെയ്കുന്നത്. ‘അപ്പോൾ നാളെ ഒന്നാം തീയതി ശമ്പളം കിട്ടുമല്ലേ, ചിലവുണ്ട്’ എന്നാണ് ആന്റണി വർഗീസ് കുറിച്ചത്. ‘ബ്രോ സേഫ് ആയി’ എന്നാണ് സംവിധായകൻ ഡിജോ ജോസ് ആന്റണിയുടെ പ്രതികരണം.
https://www.facebook.com/KunchackoBoban/photos/a.300267316792413/2155200724632387/
