കൊച്ചി: സിനിമ ലോകത്ത് പത്ത് വർഷം പൂർത്തിയാക്കിയതിന്റെ സന്തോഷം പങ്കുവെച്ച് നടൻ ദുൽഖർ സൽമാൻ. ഫേസ്ബുക്കിൽ കുറിപ്പ് പങ്കുവെച്ചാണ് താരം ആരാധകരെ തന്റെ സന്തോഷവും നന്ദിയും അറിയിച്ചത്.
ശ്രീനാഥ് രാജേന്ദ്രന്റെ സംവിധാനത്തിൽ 2012 ഫെബ്രുവരി 3 ന് പുറത്തിറങ്ങിയ സെക്കൻഡ് ഷോയിലൂടെയാണ് നടൻ സിനിമാലോകത്തേയ്ക്ക് എത്തുന്നത്. പത്ത് വർഷം മുമ്പ് ഞാൻ വീണ്ടും ജനിച്ചു എന്ന് പറഞ്ഞ് തുടങ്ങുന്ന കുറിപ്പിൽ കൂടെ നിന്ന് പിന്തുണച്ച എല്ലാവരോടുമുള്ള നന്ദിയും കടപ്പാടും അറിയിക്കുന്നു.
പത്ത് വർഷം മുമ്പ് ഞാൻ വീണ്ടും ജനിച്ചു. കലയാൽ ജനിച്ചു, മന്ത്രവാദികളാൽ പരിപോഷിപ്പിക്കപ്പെട്ടു, കടലുകൾ എന്നെ വളർത്തി. സൂര്യന്റെ പിതാവായ സമുദ്രം എനിക്ക് ഭൂമിയും മഴയും ചിലപ്പോൾ അനുയോജ്യമായ തണലും നൽകി. എനിക്ക് ചുറ്റുമുള്ള മറ്റുള്ളവരോടൊപ്പം ഞാനും വളർന്നു. എന്റേതായ നിറങ്ങളും സുഗന്ധങ്ങളും ഞാൻ കണ്ടെത്തി. ഇപ്പോൾ കാറ്റ് എന്റെ അടുത്തും ദൂരത്തുമായുമുണ്ട്. എല്ലായിടത്തും വസന്തമാക്കണമെന്ന് ഞാൻ ആഗ്രഹിക്കുന്നു. എല്ലാവർക്കും അതിരുകളില്ലാത്ത നന്ദി. എന്നാൽ കൂടുതലും സമുദ്രങ്ങളോടാണ്. നിന്റെ കാറ്റിൽ ഞാൻ ചരിയുന്നുവെന്ന് ദുൽഖർ സമൂഹമാദ്ധ്യമങ്ങളിൽ കുറിച്ചു.
