മട്ടന്നൂർ : കണ്ണൂർ രാജ്യാന്തര വിമാനത്താവളത്തിൽ വൻ സ്വർണവേട്ട. 35.32 ലക്ഷം രൂപയുടെ സ്വർണവുമായി ഒരാൾ പിടിയിൽ. കോഴിക്കോട് മുടവന്തേരി സ്വദേശി പി.പി.സൽമാനിൽ നിന്നാണ് 723 ഗ്രാം സ്വർണം പിടികൂടിയത്.
വെളുപ്പിന് 1.30ന് ദുബായിൽ നിന്നെത്തിയ ഗോ ഫസ്റ്റ് വിമാത്തിലാണ് ഇയാൾ കണ്ണൂർ വിമാനത്താവളത്തിൽ വന്നിറങ്ങിയത്. പേസ്റ്റ് രൂപത്തിലാക്കി സ്വർണ മിശ്രിതം ശരീരത്തിനുള്ളിൽ ഒളിപ്പിച്ചാണ് കടത്താൻ ശ്രമിച്ചത്. കസ്റ്റംസ് പരിശോധനയിൽ ഇത് കണ്ടെത്തിയതോടെ ഇയാളെ അറസ്റ്റ് ചെയ്ത് ജാമ്യത്തിൽ വിട്ടയച്ചു.
കസ്റ്റംസ് അസി. കമ്മീഷണർ ഇ.വികാസ്, സൂപ്രണ്ടുമാരായ വി.പി.ബേബി, ജ്യോതി ലക്ഷ്മി, ഇൻസ്പെക്ടർമാരായ കെ.വി.രാജു, രാംലാൽ, ദീപക്, സൂരജ് ഗുപ്ത, സന്ദീപ് കുമാർ തുടങ്ങിയവരാണ് പരിശോധനയ്ക്ക് നേതൃത്വം നൽകിയത്.
