തിരുവനന്തപുരം: മലമ്പുഴയില് നടത്തിയ രക്ഷാദൗത്യത്തില് സൈന്യത്തിന് നന്ദി അറിയിച്ച് മുഖ്യമന്ത്രി പിണറായി വിജയന്. രക്ഷാപ്രവര്ത്തനങ്ങള്ക്ക് നേതൃത്വം നല്കിയ ഇന്ത്യന് സേനയുടെ മദ്രാസ് റെജിമെന്റിലെ സൈനികര്, പാരാ റെജിമെന്റ് സെന്ററിലെ സൈനികര്, രക്ഷാപ്രവര്ത്തനം ഏകോപിപ്പിച്ച ദക്ഷിണ ഭാരത ഏരിയ ജി ഒ സി ലഫ്റ്റനന്റ് ജനറല് അരുണ് തുടങ്ങി അവസരോചിതമായ ഇടപെടലുകളിലൂടെ സഹായം നല്കിയ എല്ലാവര്ക്കും നന്ദി പറയുന്നുവെന്ന് മുഖ്യമന്ത്രിയുടെ കുറിപ്പില് പറയുന്നു.
പിണറായി വിജയന്റെ ഫേസ്ബുക്ക് കുറിപ്പിലേക്ക്,
ആശങ്കകള്ക്കു വിരാമമിട്ട് മലമ്പുഴയിലെ ചെറാട് മലയില് കുടുങ്ങിയ ബാബുവിനെ സുരക്ഷിത സ്ഥാനത്ത് എത്തിക്കാന് സാധിച്ചു. ആരോഗ്യം വീണ്ടെടുക്കാന് ആവശ്യമായ ചികിത്സയും പരിചരണവും എത്രയും പെട്ടെന്ന് നല്കും.
രക്ഷാപ്രവര്ത്തനങ്ങള്ക്ക് നേതൃത്വം നല്കിയ ഇന്ത്യന് സേനയുടെ മദ്രാസ് റെജിമെന്റിലെ സൈനികര്, പാരാ റെജിമെന്റ് സെന്ററിലെ സൈനികര്, രക്ഷാപ്രവര്ത്തനം ഏകോപിപ്പിച്ച ദക്ഷിണ ഭാരത ഏരിയ ജി ഒ സി ലഫ്റ്റനന്റ് ജനറല് അരുണ് തുടങ്ങി അവസരോചിതമായ ഇടപെടലുകളിലൂടെ സഹായം നല്കിയ എല്ലാവര്ക്കും നന്ദി പറയുന്നു. രക്ഷാപ്രവര്ത്തനവുമായി സഹകരിച്ച വ്യോമസേനക്കും കോസ്റ്റ് ഗാര്ഡിനും കേരള പോലീസ്, ഫയര് & റസ്ക്യൂ, എന് ഡി ആര് എഫ്, വനം വകുപ്പ്, ജില്ലാ ഭരണസംവിധാനം, മെഡിക്കല് സംഘം, ജനപ്രതിനിധികള്,
നാട്ടുകാര് എന്നിവര്ക്കും നന്ദി രേഖപ്പെടുത്തുന്നു.
Comments