കൊച്ചിയിലെ വെണ്ടുരുത്തി പാലത്തിൽ നിന്ന് ചാടി യുവാവ്: രക്ഷപെടുത്തി നാവിക സേന

കൊച്ചി: വെണ്ടുരുത്തി പാലത്തിൽ നിന്നും ചാടിയ യുവാവിനെ രക്ഷപെടുത്തി നാവിക സേന. ഇന്ത്യൻ നേവിയുടെ ഫാസ്റ്റ് ഇന്റർസെപ്റ്റ് ക്രാഫ്റ്റ് ജീവനക്കാരാണ് യുവാവിനെ രക്ഷപെടുത്തിയത്. പാലത്തിൽ നിന്നും ചാടിയ യുവാവിന്റെ പേര് വിവരങ്ങൾ ലഭ്യമല്ല.

യുവാവ് ചാടുന്നത് ശ്രദ്ധയിൽപ്പെട്ടതോടെ പട്രോളിംഗ് നടത്തുകയായിരുന്ന നാവിക സേനയുടെ ബോട്ട് യുവാവിന് അടുത്ത് എത്തുകയും രക്ഷപെടുത്തുകയുമായിരുന്നു. നാവിക സേനാ ആശുപത്രിയിൽ എത്തിച്ച് പ്രഥമ ശുശ്രൂഷ നൽകിയ ശേഷം യുവാവിനെ സമീപത്തെ ആശുപത്രിയിലേക്ക് മാറ്റി.

വിവരം സിവിൽ പോലീസിനെ അറിയിച്ചിട്ടുണ്ട്. യുവാവിന്റെ ആരോഗ്യം തൃപ്തികരമാണെന്ന് നാവിക സേന അറിയിച്ചു.