ശ്രീനഗര്: ജമ്മുകശ്മീരിലെ സ്കൂള്, കോളജ്, മറ്റ് ഉന്നത വിദ്യാഭ്യാസ സ്ഥാപനങ്ങള്, യൂണിവേഴ്സിറ്റികള് എന്നിവ ഇന്നു മുതല് പ്രവര്ത്തിക്കും. ധാരാളം വിദ്യാഭ്യാസ സ്ഥാപനങ്ങളും കോളജുകളും ഏകദേശം രണ്ടുമാസത്തോളമായി അടച്ചിട്ടിരിക്കുകയാണ്.
വിദ്യാഭ്യാസ സ്ഥാപനങ്ങളില് പ്രവേശിക്കും മുന്പ് മാസ്ക് ധരിച്ചും സാമൂഹിക അകലം പാലിച്ചും താപനില പരിശോധിച്ചും വേണം വിദ്യാലങ്ങളിലെത്താന്. 15 നും 18 നും ഇടയില് പ്രായമുള്ളവര് വാക്സില് എടുത്ത സര്ട്ടിഫിക്കറ്റ് ഹാജരാക്കണം.
വിദ്യാഭ്യാസസ്ഥാപനങ്ങള് തുറക്കണമെന്ന ആവശ്യം ശക്തമായതോടെയാണ് അധികാരികള് ഇത്തരത്തില് ഒരുതീരുമാനത്തിലെത്തിയത്. അല്ലാത്തപക്ഷം വിദ്യാലയങ്ങള് സ്വമേധയാ തുറക്കാന് തയ്യാറാവുമായിരുന്നു. ശ്രീനഗര് എന് ഐടി ഉള്പ്പെടെ സ്ഥാപനങ്ങള് ഈ കൂട്ടത്തില് പെടും.
ഈ മാസം 21 മുതല് ബിരുദാനന്തര ബിരുദ വിദ്യാര്ത്ഥികള്ക്കും ബിടെക് വിദ്യാര്ത്ഥികള്ക്കും ക്ലാസ് ആരംഭിക്കാന് തീരുമാനമെടുത്തതായി എന് ഐടിഡയറക്ടര് രാകേഷ് സെയ്ഗാള് അറിയിച്ചു. പിഎച്ച്ഡി ക്ലാസുകള് നേരത്തെ തന്നെ ആരംഭിച്ചു.
വിദ്യാലയ അധികാരികള് കൃത്യമായ പരിശോധന നടത്തണം. കൊറോണ ലക്ഷണം കണ്ടാല് അവരെ കൊറോണ പരിശോധനയ്ക്ക് വിധേയമാക്കണം. നിലവില് 400 സജീവ കേസുകളും ഫെബ്രുവരി 13 വരെ നാലുലക്ഷം രോഗികളും റിപ്പോര്ട്ട് ചെയ്യപ്പെട്ടു.
