കോട്ടയം :ഗോകുലം ഗോപാലൻ കൊള്ളപ്പലിശക്കാരനും ,വിശ്വസിക്കാൻ കൊള്ളാത്തവനെന്നും എസ്.എൻ.ഡി.പി യോഗം ജനറൽ സെക്രട്ടറി വെള്ളാപ്പള്ളി നടേശൻ. ശകുനിമാരെ മുന്നിൽനിർത്തി കളിക്കുന്ന ഗോപാലനെ വീട്ടിൽ കയറ്റാൻ കൊള്ളില്ലെന്നും വെള്ളാപ്പള്ളി
ഗോപാലൻ എവിടെ ഒട്ടിയാലും അവിടം പറിച്ചോണ്ട് പോകുന്നയാളാണ്. മറ്റുള്ളവരെ ചതിച്ച് സ്വത്തുണ്ടാക്കിയ ചരിത്രമാണ് ഗോപാലൻ്റേത്. സ്വഭാവമില്ലാത്ത ഗോപാലന്റെ പണം നോക്കി പോകുന്നവരെല്ലാം എന്നും അപകടത്തിലാണ് പെട്ടിട്ടുള്ളത് . ആര് ചത്താലും കുഴപ്പമില്ല , ആര് നശിച്ചാലും കുഴപ്പമില്ല അവന്റെ സമ്പത്ത് അടിച്ചെടുക്കുക ,എന്നതാണ് ഗോപാലന്റെ രീതി , അങ്ങിനെയുള്ള ഒരു പാട് ചരിത്രങ്ങൾ തനിക്കറിയാമെന്നും വെള്ളാപ്പള്ളി പറഞ്ഞു .
ബ്ലേഡുകാരന് മനുഷ്യത്വമുണ്ടാവില്ല. ഗതികേടുകൊണ്ട് ചെല്ലുമ്പോൾ അവന്റെ സമ്പത്തും അടിച്ചു മാറ്റുന്നവനാണ് ഗോപാലൻ , തട്ടിപ്പുകരാനും സ്വഭാവ ശുദ്ധിയില്ലാത്തവനുമായ ഗോപാലനെ ജനങ്ങൾക്ക് നന്നായറിയാമെന്നും വെള്ളാപ്പള്ളി കൂട്ടിച്ചേർത്തു .
കുറെ നാളുകളായി എസ് എൻ ഡി പിയെ തകർക്കാൻ നടക്കുകയാണ് ഗോപാലൻ ,എന്നിട്ട് എന്ത് നടന്നു ? , എസ്എൻഡിപി എന്നതിന്റെ പൂർണ്ണ രൂപം പോലും അക്ഷരം തെറ്റാതെ പറയാൻ ഗോകുലം ഗോപാലന് അറിയില്ലെന്നും വെള്ളാപ്പള്ളി പരിഹസിച്ചു.
വെള്ളാപ്പള്ളിക്കെതിരെയുള്ള തന്റെ ആരോപണങ്ങൾക്ക് പിന്നിൽ ശ്രീനാരായണ ധർമ്മവേദി ചെയർമാൻ ഗോകുലം ഗോപാലനാണെന്ന സുഭാഷ് വാസുവിന്റെ ആരോപണങ്ങൾ സംബന്ധിച്ച മാധ്യമ പ്രവർത്തകരുടെ ചോദ്യങ്ങളോട് പ്രതികരിക്കുകയായിരുന്നു വെള്ളാപ്പള്ളി നടേശൻ
