പ്രണവ് മോഹൻലാലിന്റെ ഹിമാലയൻ യാത്രകൾ പലപ്പോഴും സോഷ്യൽ മീഡിയയിൽ വൈറലാകാറുണ്ട്. പ്രണവ് നായകനായെത്തിയ ഹൃദയം തീയേറ്ററിൽ മികച്ച പ്രതികരണം നേടി മുന്നേറിയപ്പോഴും ആരാധകർ തേടിയത് പ്രണവിനെ ആയിരുന്നു. ഇപ്പോഴിതാ ഹിമാചൽ പ്രദേശിൽ നിന്നുള്ള പുതിയ ചിത്രങ്ങൾ സോഷ്യൽ മീഡിയയിൽ പങ്കുവെച്ചിരിക്കുകയാണ് പ്രണവ്. ആദ്യമായാണ് യാത്ര ചെയ്യുന്ന സ്വന്തം ചിത്രം പ്രണവ് സോഷ്യൽ മീഡിയയിലൂടെ പങ്കുവെയ്ക്കുന്നത്.
സ്പിതി താഴ്പരയിൽ നിന്നും പാർവതി വാലിയിൽ നിന്നുമൊക്കെയുള്ള ചിത്രങ്ങൾ പ്രണവ് പങ്കുവെച്ചിട്ടുണ്ട്. ചച്ചാച ചാച്ചി ധാബ, മധു വില്ലേജ് തുടങ്ങിയ സ്ഥലങ്ങളിലെ ചിത്രങ്ങൾ പ്രണവ് പങ്കുവെച്ചപ്പോൾ വീണ്ടും നാടു വിട്ടുവല്ലേ എന്നാണ് ആരാധകർ ചോദിക്കുന്നത്. പടം വേറെ ലെവൽ ആയി വല്ലതും അറിയുന്നുണ്ടോ, അങ്ങനെ ഒരു സ്വന്തം പടം ഇട്ടു, എന്നിങ്ങനെ നിരവധി കമന്റുകളാണ് ചിത്രത്തിന് ലഭിക്കുന്നത്.
പ്രണവ് മോഹൻലാൽ നായകനായി എത്തിയ മൂന്നാമത്തെ ചിത്രമാണ് ഹൃദയം. കല്യാണി പ്രിയദർശനും, ദർശനയുമാണ് ചിത്രത്തിലെ നായികമാർ. നാൽപ്പത് വർഷങ്ങൾക്ക് ശേഷം മെരിലാൻഡ് സിനിമാസ് നിർമ്മിച്ച ചിത്രം കൂടിയാണിത്. പ്രേക്ഷകരോട് നന്ദി പറഞ്ഞ് പ്രണവ് മോഹൻലാൽ തന്നെ രംഗത്ത് എത്തുകയും ചെയ്തിരുന്നു. നിങ്ങളുടെ അളവറ്റ സ്നേഹത്തിനും പിന്തുണയ്ക്കും നന്ദിയെന്നായിരുന്നു പ്രണവ് മോഹൻലാൽ പറഞ്ഞത്.
