മുംബൈ: ശ്രീലങ്കക്കെതിരായ ആദ്യ ടി-20 മത്സരത്തിൽ മലയാളി താരം സഞ്ജു സാംസൺ കളിക്കും.ലക്‌നൗവിലാണ് ശ്രീലങ്കയ്‌ക്കെതിരായ ആദ്യ മത്സരം നടക്കുന്നത്.മുൻ നായകൻ വിരാട് കോഹ്ലിയുടെ മൂന്നാം നമ്പർ പൊസിഷനിലാണ് സഞ്ജു ബാറ്റിങ്ങിനിറങ്ങുക.
താരത്തെ പ്രശംസിച്ച കഴിഞ്ഞ ദിവസം ടീം ക്യാപ്റ്റൻ രോഹിത് ശർമ രംഗത്തെത്തിയിരുന്നു.ഈ വർഷം നടക്കുന്ന ടി-20 ലോകകപ്പിൽ സഞ്ജുവിനെ പരിഗണിക്കുമെന്ന് രോഹിത് പറഞ്ഞിരുന്നു ഇതിന് പിന്നാലെയാണ് ശ്രീലങ്കയ്‌ക്കെതിരായ ടി-20യിൽ സഞ്ജുവിനെ ഉൾപ്പെടുത്തിയത്.
സഞ്ജുവിനെ ടീമിൽ ഉൾപ്പെടുത്തിയത് അടക്കം ആറ് മാറ്റങ്ങളാണ് ഇന്ത്യൻ ടീമിൽ വരുത്തിയിട്ടുള്ളത്. സഞ്ജുവിന് പുറമ ഉപനായകൻ ജസ്പ്രീത് ബൂറെ, ഭുവനേശ്വർ കുമാർ,യസ്വേന്ദ്ര ചഹൽ,രവിന്ദ്ര ജഡേജ.ദീപക് ഹൂഡ എന്നിവരും ആദ്യ 11 ൽ എത്തി.
പരിക്കിലായ സൂര്യകുമാർ യാദവിന് പകരം ശ്രേയസ് അയ്യരിനാണ് മദ്ധ്യനിരയുടെ ചുമതല.നായകൻ രോഹിത് ശർമ്മയോടാെപ്പം ഇഷാൻ കിഷനാണ് ഇന്നിങ്‌സ് ഓപ്പൺ ചെയ്യുക.അതേസമയം ടോസ് നേടിയ ശ്രീലങ്ക ഇന്ത്യയെ ബാറ്റിങ്ങിനയച്ചു.
