മലപ്പുറം: പാട്ട് പഠിക്കാനെത്തിയ വിദ്യാർത്ഥിനിയെ പീഡിപ്പിച്ച മലപ്പുറത്തെ മാപ്പിളപ്പാട്ട് ഗായകനെ പോലീസ് അറസ്റ്റ് ചെയ്തു. വളാഞ്ചേരി പുത്തനത്താണി കുറുമ്പത്തൂർ സ്വദേശി മൻസൂറലി(28) ആണ് പോലീസ് പിടിയിലായത്. രണ്ട് വർഷം മുമ്പ് പൊന്നാനിയിൽവെച്ച് പരിചയപ്പെട്ട പ്രായപൂർത്തിയാകാത്ത വിദ്യാർഥിനിയെ വിവാഹ വാഗ്ദാനം നൽകി പീഡിപ്പിക്കുകയായിരുന്നു.
വിവാഹിതനും രണ്ട് കുട്ടികളുടെ പിതാവുമാണ് പിടിയിലായ മൻസൂർ അലി. പരിചയപ്പെട്ടതിന് ശേഷം പെൺകുട്ടിയെ മാപ്പിളപ്പാട്ട് പഠിപ്പിക്കുകയും ചെയ്തു. ഇതിനിടയിൽ പെൺകുട്ടിയുമായി അടുപ്പത്തിലായ മൻസൂർ പീഡിപ്പിക്കുകയായിരുന്നു. കാറിൽ നിരവധി സ്ഥലങ്ങളിൽ കൊണ്ടുപോയി ലൈംഗീകമായി ഉപയോഗപ്പെടുത്തി.
ഇക്കാര്യം അറിഞ്ഞ പെൺകുട്ടികളുടെ മാതാപിതാക്കൾ പോലീസിൽ പരാതി നൽകുകയായിരുന്നു. തുടർന്ന് പൊന്നാനി പോലീസ് മാപ്പിളപ്പാട്ട് ഗായകനെ അറസ്റ്റ് ചെയ്തു. വിവിധ വേദികളിൽ മാപ്പിളപ്പാട്ട് അവതരിപ്പിച്ച മൻസൂറലി ആൽബങ്ങളിലും പാടിയിട്ടുണ്ട്. കോടതിയിൽ ഹാജറാക്കിയെ പ്രതിയെ റിമാന്റ് ചെയ്തു.
