ന്യൂഡൽഹി: യുക്രെയ്‌നിലെ റഷ്യയുടെ അധിനിവേശത്തിന്റെ പശ്ചാത്തലത്തിൽ ഇന്ത്യൻ പ്രധാനമന്ത്രി നരേന്ദ്ര മോദിയുമായി താൻ ദീർഘനേരം സംസാരിച്ചതായി ഓസ്ട്രേലിയൻ പ്രധാനമന്ത്രി സ്‌കോട്ട് മോറിസൺ പറഞ്ഞു. സൈനിക ഏറ്റുമുട്ടൽ 12ാം ദിവസത്തിലേക്ക് കടന്ന സാഹചര്യത്തിലാണ് ഇരു നേതാക്കളുടെയും സംഭാഷണം.’സെലൻസ്‌കി വളരെ ശ്രദ്ധയും നിശ്ചയദാർഢ്യവുമുള്ളയാളാണ്, റഷ്യയ്‌ക്കെതിരായ അന്താരാഷ്‌ട്ര മുന്നേറ്റം അദ്ദേഹത്തിന് ഊർജ്ജം നൽകുന്നു. സെലൻസ്‌കി ചെയ്യുന്നതിനെ താൻ പ്രോത്സാഹിപ്പിക്കും. ഉക്രെയ്ൻ തന്നെ പിന്തുണയ്‌ക്കുന്ന രാജ്യങ്ങളുമായി പങ്കിടുന്ന സൂക്ഷ്മമായ ബന്ധം അദ്ദേഹം മനസ്സിലാക്കുന്നുതായി ഓസ്ട്രേലിയൻ പ്രധാനമന്ത്രി പറഞ്ഞു.
യുക്രേനിയൻ പ്രസിഡന്റ് വോളോഡിമർ സെലെൻസ്‌കി ‘വളരെ ശ്രദ്ധാലുവും ദൃഢനിശ്ചയവുമുള്ളയാളാണ്’, വ്ളാഡിമിർ പുടിൻ കീവ് അധിനിവേശംവളരെക്കാലം മുമ്പ് ആസൂത്രണം ചെയ്തിരുന്നതായി നേരത്തെ ഒരു പത്രസമ്മേളനത്തിൽ മോറിസൺ പറഞ്ഞിരുന്നു. ഇന്ത്യൻ പ്രധാനമന്ത്രി നരേന്ദ്ര മോദിയുമായി താൻ ദീർഘനേരം സംസാരിക്കുകയും യുദ്ധത്തെ ശക്തമായി അപലപിക്കുന്നതിനെക്കുറിച്ച് ചർച്ച ചെയ്യുകയും ചെയ്തതായി സ്‌കോട്ട് മോറിസൺ വ്യക്തമാക്കി.
യുക്രെയ്ൻ പ്രസിഡന്റ് വോളോഡിമർ സെലെൻസ്‌കി ശനിയാഴ്ച ഓസ്ട്രേലിയൻ പ്രധാനമന്ത്രി സ്‌കോട്ട് മോറിസണെ യുദ്ധത്തിന്റെ സ്ഥിതിയെക്കുറിച്ച് ബോധിപ്പിച്ചിരുന്നു. യുദ്ധത്തിന്റെ ഗതിയെക്കുറിച്ച് അദ്ദേഹം ഓസ്ട്രേലിയൻ പ്രധാനമന്ത്രിയുമായി സംസാരിച്ചു. കൂടാതെ യുക്രേനിയൻ ആണവ, രാസ കേന്ദ്രങ്ങളിൽ റഷ്യൻ ആക്രമണം ജനങ്ങൾക്കും പരിസ്ഥിതിക്കും സൃഷ്ടിക്കുന്ന അപകടങ്ങളെക്കുറിച്ച് ഊന്നിപ്പറയുകയും ചെയ്തു. കൂടാതെ, ഓസ്ട്രേലിയയുടെ പ്രതിരോധത്തിനും മാനുഷിക പിന്തുണയ്‌ക്കും സെലൻസ്‌കി മോറിസണോട് അദ്ദേഹം നന്ദി പറഞ്ഞു.
പ്രസിഡന്റ് വോളോഡിമർ സെലെൻസ്‌കി ട്വിറ്ററിൽ ഓസ്ട്രേലിയൻ പ്രധാനമന്ത്രിയുമായി നടത്തിയ സംഭാഷണത്തെക്കുറിച്ച് അറിയിച്ചിരുന്നു. അദ്ദേഹത്തിന്റെ ട്വീറ്റ് ഇങ്ങനെയായിരുന്നു, ‘ഞാൻ പങ്കാളികളുമായുള്ള ചർച്ചകൾ തുടരുന്നു. യുദ്ധത്തിന്റെ ഗതിയെക്കുറിച്ച് പ്രധാനമന്ത്രി @ScottMorrisonMP യോട് പറഞ്ഞു. അതുപോലെ യുക്രേനിയൻ ആണവ, രാസ കേന്ദ്രങ്ങൾക്ക് ഭീഷണി മൂലം ജനങ്ങൾക്കും പരിസ്ഥിതിക്കും ഉണ്ടാകുന്ന അപകടങ്ങൾ. പ്രതിരോധത്തിനും മാനുഷിക പിന്തുണയ്‌ക്കും നന്ദി. റഷ്യ യുദ്ധം നിർത്തുക.’
ട്വിറ്ററിൽ ഓസ്ട്രേലിയൻ പ്രധാനമന്ത്രി പറഞ്ഞു, ‘യുക്രേനിയൻ പ്രസിഡന്റ് സെലെൻസ്‌കിയുമായി സംസാരിച്ചു. ഞങ്ങളുടെ സൈനിക, മാനുഷിക പിന്തുണക്കും വിപുലമായ ഉപരോധങ്ങൾക്കും അദ്ദേഹം നന്ദി പറഞ്ഞു. കൂടുതൽ സഹായിക്കാനാകുന്ന വഴികൾ ഞങ്ങൾ ചർച്ച ചെയ്തു. റഷ്യയുടെ ആക്രമണത്തിനെതിരായ യുക്രെയ്നിന്റെ ധൈര്യത്തെ ഞാൻ പ്രശംസിക്കുകയും റഷ്യയെ അപലപിക്കുകയും ചെയ്തു. നമുക്കെല്ലാവർക്കും വേണ്ടിയുള്ള പ്രവർത്തനങ്ങൾ.’
