പാരീസ്: തീവ്ര ഇസ്ലാമിക വാദികള് ആരോഗ്യരംഗത്തെ തകര്ക്കാനുള്ള ശ്രമങ്ങള് നടത്തുന്നുണ്ടെന്ന തുറന്നു പറച്ചിലുമായി ഫ്രഞ്ച് ഫിസിഷ്യനും ചാര്ളി ഹെബ്ദോ കോളമിസ്റ്റുമായ പാട്രിക് പെല്ലൂക്സ്. ആശുപത്രിയില് കൃത്യമായി നടന്നു പോകുന്ന ആരോഗ്യസംവിധാനങ്ങളെ ഇസ്ലാമിസ്റ്റുകള് തകര്ക്കാന് ശ്രമിക്കുന്നുണ്ടെന്നാണ് അദ്ദേഹം പറയുന്നത്. പാരീസ് ആസ്ഥാനമായി പ്രവര്ത്തിക്കുന്ന ഒരു മാദ്ധ്യമത്തിന് നല്കിയ അഭിമുഖത്തിലാണ് അദ്ദേഹത്തിന്റെ തുറന്ന് പറച്ചില്. ഇക്കാര്യങ്ങള് വ്യക്തമാക്കിക്കൊണ്ടുള്ള ഒരു റിപ്പോര്ട്ടും അദ്ദേഹം ഫ്രഞ്ച് സര്ക്കാരിന് സമര്പ്പിച്ചിട്ടുണ്ട്.
‘ആശുപത്രിയിലെ ജീവനക്കാര്ക്കിടയില് തന്നെ ഇത് സംബന്ധിച്ച് വളരെയധികം പ്രശ്നങ്ങള് ഉണ്ടായിരുന്നു. മതചിന്തകള് കാരണം ചില ചികിത്സാ രീതികള് പ്രയോഗിക്കാന് ഒന്നും ഇത്തരക്കാര് അനുവദിക്കില്ല. ഇന്നത് വളരെ കുറഞ്ഞ് വരുന്നുണ്ട്. എങ്കിലും പൂര്ണമായും അറുതി വന്നിട്ടില്ല. ഹറാമാണെന്ന് പറഞ്ഞ് അവയവമാറ്റ ശസ്ത്രക്രിയ നടത്താന് വിസമ്മതിച്ച ഒരു ഡോക്ടര് ഞങ്ങള്ക്കൊപ്പം ഉണ്ടായിരുന്നു. ഇസ്ലാമികവാദികള്ക്കെതിരെ പ്രതികരിക്കാന് ആരും ധൈര്യപ്പെട്ടിരുന്നില്ല. കാരണം പ്രത്യാഘാതം ഏത് രീതിയില് ഉണ്ടാകും എന്ന് പറയാനാകില്ല. എല്ലാവര്ക്കും ഇവരെ ഭയമാണ്.
ഡോക്ടര്മാര് മാത്രമല്ല, നഴ്സുമാര്ക്കിടയിലും ഇത്തരം പ്രശ്നങ്ങള് ഉണ്ടായിരുന്നു. ഞങ്ങള്ക്കൊപ്പം ഒരു മുസ്ലീം നഴ്സ് ഉണ്ടായിരുന്നു. സഹപ്രവര്ത്തകരെ മതം മാറ്റാനായിരുന്നു അവര് ശ്രമിച്ചു കൊണ്ടിരുന്നത്. ഇത് സംബന്ധിച്ച് കൂടെയുള്ള പലരും പരാതി പറഞ്ഞു. പക്ഷേ എന്ത് ചെയ്യണമെന്ന് സംബന്ധിച്ച് ഒരു ധാരണയും ഉണ്ടായിരുന്നില്ല. കാരണം എന്തെങ്കിലും ചെയ്താല് ഞങ്ങള് വംശീയവാദികളായി മുദ്ര കുത്തപ്പെടും. ആശുപത്രിക്കെതിരെ ഇസ്ലാമിക വാദികള് തിരിഞ്ഞാല് എന്താകും ഫലമെന്നാണ് അപ്പോള് എല്ലാവരുടേയും ചിന്തയെന്നും’ പാട്രിക് പെല്ലൂക്സ് പറയുന്നു.
Comments