പ്രശാന്ത് നീൽ സംവിധാനം ചെയ്യുന്ന ചിത്രം ‘കെജിഎഫ് ചാപ്റ്റർ 2’ വിലെ ആദ്യഗാനം പുറത്ത്. ‘തൂഫാൻ’ എന്ന് തുടങ്ങുന്ന ഗാനത്തിന്റെ അഞ്ച് ഭാഷാ പതിപ്പുകൾ ഒന്നിച്ചാണ് പുറത്ത് വിട്ടിരിക്കുന്നത്. ലഹരി മ്യൂസിക് എന്ന യൂട്യൂബ് ചാനലിലൂടെയാണ് ഗാനം പുറത്ത് വിട്ടത്. ചിത്രം ഏപ്രിൽ 14ന് തീയേറ്ററിൽ എത്തിയേക്കുമാണ് റിപ്പോർട്ട്.
യാഷ് നായകനാകുന്ന ചിത്രത്തിൽ ബോളിവുഡ് താരം സഞ്ജയ് ദത്താണ് വില്ലൻ. 2018ൽ റിലീസ് ചെയ്ത കെജിഎഫ് എന്ന ചിത്രത്തിന്റെ തുടർച്ചാണ് കെജിഎഫ് ചാപ്റ്റർ 2. രവീണ ഠണ്ഡൻ, മാളവിക അവിനാഷ്, ശ്രീനിധി ഷെട്ടി എന്നിവരും രണ്ടാം ഭാഗത്തിൽ പ്രധാന വേഷങ്ങളിൽ എത്തുന്നു.
100 കോടി ബജറ്റിലാണ് ചിത്രം ഒരുക്കിയിരിക്കുന്നത്. ഹോമബിൾ ഫിലിംസാണ് ചിത്രം നിർമ്മിക്കുന്നത്. ഭുവൻ ഗൗഡ ഛായാഗ്രഹണം നിർവ്വഹിക്കുന്ന ചിത്രത്തിന്റെ എഡിറ്റർ ശ്രീകാന്താണ്. രവി ബസൂറാണ് ചിത്രത്തിന്റെ സംഗീത സംവിധാനം. കേരളത്തിൽ സിനിമയുടെ വിതരണം ഏറ്റെടുത്തിരിക്കുന്നത് നടൻ പൃഥ്വിരാജാണ്.
കന്നഡ ഭാഷയിലെ ഏറ്റവും ബിഗ് ബജറ്റ് ചിത്രമാണ് കെജിഎഫ് ചാപ്റ്റർ 2. കന്നഡയ്ക്ക് പുറമെ തമിഴ്, ഹിന്ദി, മലയാളം, തെലുങ്ക് ഭാഷകളിലും ചിത്രം പുറത്തിറങ്ങും.
Comments