മുംബൈ: പൂനെയിലെ ഒരു ജയിലിൽ നിന്നും കള്ളൻ രക്ഷപ്പെടുന്ന ദൃശ്യങ്ങൾ പങ്കുവെച്ചിരിക്കുകാണ് പോലീസ്. വെറും അഞ്ച് സെക്കന്റ് മാത്രം, അതും ഒരു ആയുധങ്ങൾ പോലും ഇല്ലാതെയാണ് കള്ളൻ ജയിൽ ചാടുന്നത്. ലോക്കപ്പ് വാതിലിന്റെ രണ്ട് ഇരുമ്പ് ദണ്ഡുകൾക്കിടയിലുള്ള വിടവിലൂടെയാണ് കള്ളൻ ജയിൽ ചാടുന്നത്.
കള്ളൻ രക്ഷപ്പെട്ട ഉടൻ തന്നെ ഇയാളെ അറസ്റ്റ് ചെയ്തു എന്ന് പോലീസ് അറിയിച്ചു. പൂനെയിലെ ചക്കൻ പോലീസ് സ്റ്റേഷനിലാണ് പ്രതി ഇത്തരത്തിൽ രക്ഷപ്പെടാനുള്ള ശ്രമം നടത്തിയത്. കള്ളൻ രക്ഷപ്പെട്ടപ്പോഴാണ് പോക്കപ്പിനുള്ളിലെ സുരക്ഷാ വീഴ്ച എത്രത്തോളം ഗുരുതരമാണെന്ന് തിരിച്ചറിഞ്ഞതെന്ന് പോലീസ് പറയുന്നു.
First, this Pune criminal escaped the lockup, the next moment he was caught giving a live demo of how he did it.#Pune #Jail #Lockup #NewsMo pic.twitter.com/BPw0s1QA3Y
— IndiaToday (@IndiaToday) March 22, 2022
പൂനെ പോലീസ് പകർത്തിയ ദൃശ്യങ്ങളിൽ, കള്ളൻ ലോക്കപ്പിന്റെ ഇരുമ്പ് ദണ്ഡുകൾക്കിടയിലൂടെ നുഴഞ്ഞ് പുറത്തിറങ്ങുന്നത് കാണാം. അപാര മെയ് വഴക്കമെന്നാണ് ഇത് കണ്ട് ചിലർ അഭിപ്രായപ്പെടുന്നത്. അതേസമയം, പോലീസ് സ്റ്റേഷനിലെ സുരക്ഷ എങ്ങനെ വർദ്ധിപ്പിക്കണമെന്ന ആലോചനയിലാണ് ഉദ്യോഗസ്ഥർ.
