ഹിമാചല് പ്രദേശില് സ്കൂള് വിദ്യാര്ത്ഥികളുടെ പാഠ്യപദ്ധതിയില് ഭഗവത് ഗീത ഉള്പ്പെടുത്തി. ഒന്പത് മുതല് പ്ലസ്ടു വരെയുള്ള ക്ളാസുകളിലാണ് ഭഗവത് ഗീതയും പാഠ്യവിഷയമാക്കിയത്. ഹിമാചല് പ്രദേശിലെ വിദ്യാഭ്യാസ മന്ത്രി ഗോവിന്ദ് സിങ് താക്കൂറാണ് ഇക്കാര്യം അറിയിച്ചത്. നമ്മുടെ സംസ്കാരത്തെ കുറിച്ച് കുട്ടികള് കൂടുതല് ബോധ്യമുള്ളവരാകുന്നതിനും, അവരെ ഉത്ബോധിപ്പിക്കുന്നതിനും വേണ്ടിയാണ് ഇത്തരമൊരു തീരുമാനം സ്വീകരിച്ചതെന്നും അദ്ദേഹം വ്യക്തമാക്കി.
സംസ്കൃതം അല്ലെങ്കില് ഹിന്ദി ഭാഷയിലാകും വിദ്യാര്ത്ഥികള്ക്ക് ഗീത ക്ലാസ് നല്കുന്നത്. മൂന്നാം ക്ലാസ് മുതലുള്ള വിദ്യാര്ത്ഥികളെ സംസ്കൃതവും പഠിപ്പിക്കുന്നുണ്ടെന്നും അദ്ദേഹം വ്യക്തമാക്കി. നേരത്തെ ഗുജറാത്തും ഭഗവത് ഗീത പാഠ്യപദ്ധതിയില് ഉള്പ്പെടുത്തിയിരുന്നു.
Comments