ന്യൂഡൽഹി: പരിസ്ഥിതി സംരക്ഷണത്തിൽ യുവശക്തി എന്തുചിന്തിക്കുന്നുവെന്ന് മിക വോടെ അവതരിപ്പിച്ച് ജമ്മുകശ്മീർ വിദ്യാർത്ഥിനി. ദേശീയ യുവ പരിസ്ഥിതി പാർലമെന്റിലാണ് ജമ്മുകശ്മീരിലെ വിദ്യാർത്ഥിനി മുൻജീത് മറിയം മികച്ച പ്രഭാഷകയായി തിരഞ്ഞെടുക്കപ്പെട്ടത്.
ഭൂമിയിലെ സ്വർഗ്ഗമെന്ന് നാം വിശേഷിപ്പിക്കുന്ന ഹിമാലയൻ സാനുക്കളുടെ താഴ്വരയിലെ പരിസ്ഥിതി പ്രത്യേകതകൾ മുൻജീത് എടുത്തുപറഞ്ഞു. അന്തരീക്ഷ ഊഷ്മാവിന്റേയും കാർബണിന്റേയും ആധിക്യം ഹിമാലയത്തിനേൽപ്പിക്കുന്ന പരിക്കും അത് സംരക്ഷിക്കാൻ എടുക്കേണ്ട മുൻകരുതലും മുൻജീത് സഭയ്ക്ക് മുമ്പാകെ വച്ചു.
സർക്കാർ നയങ്ങളും ജനങ്ങൾ അവയോട് കാണിക്കേണ്ട ക്രിയാത്മകമായ സമീപനങ്ങളും ചുരുങ്ങിയ സമയംകൊണ്ട് വ്യക്തമാക്കാൻ മുൻജീതിന് സാധിച്ചു. ഷേർ ഇ കശ്മീർ കാർഷിക ശാസ്ത്ര സാങ്കേതിക സർവ്വകലാശാല വിദ്യാർത്ഥിനിയായ മുൻജീത് മറിയം അദ്ധ്യാപക നൊപ്പം എട്ടുപേരടങ്ങുന്ന പെൺകുട്ടികളുടെ സംഘത്തിന്റെ പ്രതിനിധിയായിരുന്നു.
