ന്യൂഡൽഹി: സിഖ്ഗുരു തേജ്ബഹാദൂറിന്റെ 400-ാം പ്രകാശ്പർവി(ജൻമവാർഷിക ദിനം)നോടനുബന്ധിച്ച് പ്രധാനമന്ത്രി നരേന്ദ്രമോദി ചെങ്കോട്ടയിൽ പ്രസംഗിക്കും. ഇന്ന് രാത്രി 9.15നാണ് മോദി രാഷ്‌ട്രത്തെ അഭിസംബോധന ചെയ്യുക.
മാനവമൂല്യങ്ങളും ആദർശങ്ങളും സംരക്ഷിക്കുന്നതിനായി ജീവൻബലിയർപ്പിച്ച ഗുരുതേജ് ബഹാദുർ ഒൻപതാമത്തെ സിഖ് ഗുരുവാണ്. കശ്മീരി പണ്ഡിറ്റുകളുടെ മതസ്വാതന്ത്ര്യത്തെ പിന്തുണച്ചതിന് മുഗൾഭരണാധികാരി ഔറംഗസേബ് അദ്ദേഹത്തെ വധിക്കുകയായിരുന്നു.
ജൻമദിനത്തോടനുബന്ധിച്ച് പുറത്തിറക്കുന്ന തപാൽസ്റ്റാമ്പും സ്മരണികാനാണയവും മോദി പ്രകാശനം ചെയ്യും. ഗുരുവിന്റെ ജീവിതം ചിത്രീകരിക്കുന്ന ലൈറ്റ് ആൻഡ് സൗണ്ട് പരിപാടിയും നടക്കും. രണ്ടു ദിവസത്തെ പരിപാടിയിൽ രാജ്യത്തിന്റെ വിവിധഭാഗങ്ങളിൽ നിന്നുള്ളവർ പങ്കെടുക്കും.
