റിലീസ് ചെയ്ത് ഒരാഴ്ച പിന്നിടുമ്പോൾ, യഷ് നായകനായ ചിത്രം കെജിഎഫ് ചാപ്റ്റർ 2 ആഗോളതലത്തിൽ 700 കോടി ക്ലബ്ബിൽ ഇടംപിടിച്ചിരിക്കുകയാണ്. ഈ നാഴികക്കല്ല് പിന്നിടുന്ന കന്നഡ സിനിമ എന്നതിലുപരി 700 കോടി ക്ലബ്ബിൽ ഇടംപിടിച്ച അപൂർവ്വം ചില ഇന്ത്യൻ സിനിമകളിൽ ഒന്നാണ് കെജിഎഫ് ചാപ്റ്റർ 2. പ്രശാന്ത് നീൽ സംവിധാനം ചെയ്ത ചിത്രം ആദ്യ ദിനം മുതൽ മികച്ച കളക്ഷനാണ് നേടി കൊണ്ടിരിക്കുന്നത്.
ഇന്ന് ഉച്ച തിരിഞ്ഞ് സിനിമ അനലിസ്റ്റ് മനോബാല വിജയബാലനാണ് കെജിഎഫ് ചാപ്റ്റർ 2വിന്റെ നേട്ടം വെളിപ്പെടുത്തിയത്. റിലീസ് ചെയ്ത് 7 ദിവസം പിന്നിട്ടപ്പോൾ, 720.31 കോടിയാണ് ചിത്രത്തിന്റെ കളക്ഷൻ. ഇതിന് മുൻപ് രാജമൗലി ചിത്രം ബാഹുബലി: ദ കൺക്ലൂഷനാണ് ഏഴ് ദിവസം കൊണ്ട് 700 കോടി കടന്ന മറ്റൊരു സിനിമ. അതേസമയം, കെജിഎഫ് ചാപ്റ്റർ 2വിന്റെ ഹിന്ദി പതിപ്പിനും മികച്ച സ്വീകാര്യതയാണ് ലഭിക്കുന്നത്. ഏഴ് ദിവസം കൊണ്ട് 250 കോടിയാണ് ഹിന്ദി വേർഷൻ വാരിക്കൂട്ടിയത്. ബാഹുബലി 2, ദംഗൽ തുടങ്ങിയ ചിത്രങ്ങളുടെ കളക്ഷനുകളെയാണ് കെജിഎഫ് 2വിന്റെ ഹിന്ദി പതിപ്പ് പിന്നിലാക്കിയിരിക്കുന്നത്.
#KGFChapter2 WW Box Office
ENTERS the PRESTIGIOUS ₹700 cr club in just 7 days.
Day 1 – ₹ 165.37 cr
Day 2 – ₹ 139.25 cr
Day 3 – ₹ 115.08 cr
Day 4 – ₹ 132.13 cr
Day 5 – ₹ 73.29 cr
Day 6 – ₹ 51.68 cr
Day 7 – ₹ 43.51 cr
Total – ₹ 720.31 cr— Manobala Vijayabalan (@ManobalaV) April 21, 2022
ചിത്രത്തിൽ യഷിനെ കൂടാതെ സഞ്ജയ് ദത്തും പ്രധാന വേഷത്തിൽ അഭിനയിച്ചിട്ടുണ്ട്. പ്രശാന്ത് നീൽ സംവിധാനം ചെയ്ത ചിത്രത്തിൽ ശ്രീനിധി ഷെട്ടി, രവീണ ടണ്ഠൻ, അർച്ചന ജോയിസ് തുടങ്ങി നിരവധി താരങ്ങൾ അഭിനയിച്ചിട്ടുണ്ട്. ഈ ചിത്രം ആഗോളതലത്തിൽ ആദ്യ വാരാന്ത്യത്തിൽ ഗ്ലോബൽ ടോപ്പ് 10 ഓപ്പണിംഗ് ഇടം നേടിയ ഏക ഇന്ത്യൻ സിനിമയായി മാറിയെന്ന് അനലിസ്റ്റ് സൂചിപ്പിച്ചിരുന്നു.
Comments